JW LIBRARY
Nkhani Izo Muli Kuŵerengapo Kale pa Windows
JW Library yikusunga nkhani kweniso machaputara gha mu Baibolo agho mwaŵerenga. Nthowa iyi njiwemi, chifukwa yikumovwirani kuwona malemba agho mwanguŵerengapo kale.
Chitani ivi kuti muwone nkhani izo muli kuŵerengapo kale:
Kuwona Nkhani Izo Muli Kuŵerengapo Kale
Julani App Commands bar, na kudofya pa History kuti muwone malemba panji nkhani izo mwaŵerenga sonosono. Pa History, dofyani palemba panji nkhani kuti muyiwoneso.
Kuwuskamo Nkhani Izo Muli Kuŵerengapo Kale
Julani App commands pachanya pa sikilini, na kudofya pa History kuti muwone vyose ivyo mwanguŵerenga. Kuti muwuskeko dofyani pa Clear.
Ivi vikamba mu March 2014 pa JW Library 1.1, pa tabuleti panji foni ya Windows 8.0 panji zasonosono. Para vinthu ivi mukuviwona yayi, wonani pa “Umo Mungachitira na JW Library pa Windows,” pa kamutu kakuti: Kupanga Update JW Library.
