Nhlamulu ya xivutiso lexi yahi khumba hinkwerhu.

Swinga twala kupimisa swaku Xikwembu lexinga tumbuluxa minchumu hinkwayu ya kusaseka xingahi yendla hi hlupheka?

Vanhu lava kalaka vanga khongeli, va teka kuhlupheka tani hi xivangelo xa kuvula swaku Xikwembu axi kona. Va kholwa swaku leswi hi hluphekaka swi vula swaku: 1) Xikwembu axi na ntamu wa kuhelisa kuhlupheka, 2) Xikwembu axi na mhaka ni kuhelisa kuhlupheka, 3) Xikwembu axi kona.

Hi swoleswo ntsena swi yendlaka vanhu va hlupheka?

Xikwembu axihi yendlelanga leswaku hi hlupheka.

Xi lava leswaku hi hanya na hi tsakile.

“Aku na swa kuyampsa ka [vanhu], kutlula kuva va tsaka ni kuyendla swaswinene na vaha hanya, ni leswaku hinkwavu va fanele va dla va nwa va tlhela va tsaka hi ntirho wa vona hinkwawu lowu vawu yendlaka hi matimba. I xihiwa lexi taka hi ka Xikwembu.” — EKLESIASTA 3:12, 13.

Xikwembu xi nyike vanhu vambirhi va kusungula wutomi la kutsakisa.

Axinga lavi leswaku vona ni vana va vona va hlupheka.

“Kutani, Xikwembu xi ku ka vona: ‘Psalanani mi yandza; mi tata misava miyi fuma.’” — GENESA 1:28.

Vanhu va kusungula va lange kukala vangaxi yingisi Xikwembu.

Leswo swi yendle swaku vona ni vanhu hinkwavu va hlupheka.

‘Xidjoho xinghene misaveni hi munhu mun’we, na lona lifu li nghenile hi mhaka ya xidjoho, hi mukhuva lowo, lifu li tlulele vanhu hinkwavu, hikusa hinkwavu va djohile.’ — VARHOMA 5:12. *

Xikwembu axihi yendlanga leswaku hi tifuma.

Ahi yendliwanga leswaku hi tifuma kufana ni leswi hi kalaka hinga yendliwanga leswaku hi hanya ndzeni ka mati.

“Munhu lweyi a fambaka angeswi koti hambi kukongomisa minkondzo ya yena.” — YEREMIYA 10:23.

Xikwembu axiswi lavi leswaku hi hlupheka.

Xi lava leswaku hi hanya na hinga na swikarhatu.

“Loko ntsena awoyingisa swileriso swa mina! Kunene kurhula ka wena akutafana ni nambu.” — ESAYA 48:18.