Swi tikomba swinga twali kuva vanhu vavanene va hlupheka. Leswo swi yendla ingi aswi pfuni nchumu kuva hi zama kuyendla swilo swa swinene.

Vanhu van’wana va kholwa leswaku loko munhu a fa a tlhela a psaliwa. Va vula swaku loko munhu a fa na a yendle swilo swa swinene a tlhela a psaliwa ka wutomi la kuyampsa. Kambe loko a fa na a yendle swa kubiha ata tlhela a psaleliwa kuhluphekeni. Leswo swi vula swaku hambi vanhu vavanene vangaha hlupheka hi mhaka minchumu ya kubiha leyi vangayi yendla ka “wutomi la vona la khale.” Kambe . . .

• Kuhlupheka koloko kutirhela yini kuve munhu angaha khumbuki nchumu hi wutomi la yena la khale?

• Se swi pfuna yini kuva hi tikarhata swaku hi tivhikela ka mavabyi ni ka tinghozi loko ku li swaku hita hlupheka hi mhaka swilo leswi hingaswi yendla ka wutomi la khale?

  DJONDZA SWIN’WANA

  Sixtira vhidiyo lelinge: Hi Mhaka Muni Xikwembu Xi Pfumelele Kuhlupheka Kutafikela Nyamuntlha? ka jw.org.

Kuhlupheka ahi xikhatiso xa Xikwembu.

Kambe kuhambana ni leswo minkama ya kutala vanhu va hlupheka hileswi vanga ka ndhawu ya kukala yinga li yinene hi nkama wa kukala wunga li wunene.

“Ahi minkama hinkwayu lava tsutsumaka ngopfu va hlulaka mphikizanu wa kutsutsuma, ahi minkama hinkwayu tinhenha ti hlulaka nyimpini; hambi tintlharhi ahi minkama hinkwayu tinga ni swakudla, ahi minkama hinkwayu lavanga ni kutwisisa va kumaka timale, ahi minkama hinkwayu lavanga ni wutivi va humelelaka, hikusa nkama ni swiyendlakalo swa kukala swinga nyimeliwanga swava humelela hinkwavu.” — EKLESIASTA 9:11.

Xin’wana lexihi yendlaka hi hlupheka i xidjoho.

Vanhu va tolovela kutirhisa rito “xidjoho” leswaku va tlhamusela swilo swa kubiha leswi munhu aswi yendlaka. Kambe Bibele li tirhisa rito leli swaku li tlhamusela xiyimu lexi vanhu hinkwavu lavanene ni va kubiha va psaliwaka na vali ka xona.

“Vona! Ni psaliwe na ni ni nandzu, mamana wa mina a kume nyimba ya mina na ani xidjoho.” — TIPISALEMA 51:5.

Xidjoho xi wonhetele wutomi la vanhu.

Xidjoho axi wonhanga wuxaka la hina ni Xikwembu ntsena. Kambe xi tlhele xi yendla swaku hi hanya hi kuhlupheka, hingahaswi koti kuhanyisana kahle ni vanhu van’wana. Naswona xidjoho xi yendla vanhu va wonhetela misava hinkwayu. Leswo swi yendla swaku vanhu va ya mahlweni va hlupheka hintamu.

‘Loko ninavela kuyendla leswolulama, leswobiha naswona swi kona ka mina.’ — VARHOMA 7:21.

‘Swivumbiwa hinkwaswu swa konya hi kuvaviseka.’ — VARHOMA 8:22.