I Yini Lexi Nga Endlaka Leswaku Hi Va Ni Ntsako eNdyangwini?
Xana u ehleketa leswaku i . . .
-
rirhandzu?
-
mali?
-
kumbe swin’wana?
LESWI BIBELE YI SWI VULAKA
“Va tsaka lava twaka rito ra Xikwembu va tlhela va ri hlayisa!”—Luka 11:28, Vuhundzuluxeri Bya Misava Leyintshwa.
NDLELA LEYI SWESWO SWI NGA KU VUYERISAKA HA YONA
Ku kuma rirhandzu ra xiviri.—Vaefesa 5:28, 29.
Ku tiphina hi xichavo xa xiviri.—Vaefesa 5:33.
Ku va ni nsirhelelo wa xiviri.—Marka 10:6-9.
XANA HI NGA SWI TSHEMBA HAKUNENE LESWI BIBELE YI SWI VULAKA?
Ina, hikwalaho ka swivangelo swimbirhi:
-
Xikwembu hi xona Musunguri wa ndyangu. Bibele yi vula leswaku “vito ra ndyangu wun’wana ni wun’wana . . . ri [huma] eka” Yehovha Xikwembu. (Vaefesa 3:14, 15) Hi marito man’wana, lunghiselelo ra ndyangu ri kona hileswi Yehovha a endleke leswaku ri va kona. Ha yini sweswo swi ri swa nkoka?
Anakanya hi leswi: U le ku tiphineni hi swakudya swo xawula naswona u lava ku tiva leswi tirhisiweke ku swi sweka, xana i mani loyi u nga n’wi vutisaka? A swi kanakanisi leswaku u ta vutisa loyi a swi swekeke.
Hilaha ku fanaka, leswaku hi kuma lexi endlaka leswaku hi va ni ntsako endyangwini, hi fanele hi lava nkongomiso eka Yehovha, Musunguri wa lunghiselelo ra ndyangu.—Genesa 2:18-24.
-
Xikwembu xa khathala hi wena. Mindyangu yi endla kahle loko yi lava nkongomiso wa Yehovha, lowu a wu nyikelaka hi ku tirhisa Rito rakwe. Ha yini? “Hikuva xa mi khathalela.” (1 Petro 5:6, 7) Yehovha wa ku rhandza—naswona minkarhi hinkwayo ndzayo yakwe ya tirha!—Swivuriso 3:5, 6; Esaya 48:17, 18.
XIVUTISO XO ANAKANYISISA HA XONA
Xana u nga va wanuna, wansati kumbe mutswari lonene hi ndlela yihi?
Bibele yi hlamula xivutiso xexo eka VAEFESA 5:1, 2 na VAKOLOSA 3:18-21.
U Nga Ha Tsakela
XALAMUKA!
Muvumbi Wa Hina U Hi Nyika Vutlhari Leswaku Hi Va Ni Ndyangu Lowu Tsakeke
Xana vavanuna, vavasati, vatswari ni vana va nga endla yini leswaku va tiphina hi vutomi endyangwini?
SWIVUTISO LESWI HLAMURIWAKA HI BIBELE
Xana Bibele Yi Nga Ndzi Pfuna Ku Va Ni Ndyangu Lowu Tsakeke?
Xitsundzuxo xa vutlhari lexi kumekaka eBibeleni xi pfune timiliyoni ta vavanuna ni vavasati leswaku va va ni kaya leri tsakeke.
XALAMUKA!
Mindyangu Leyi Tsakeke—Ntirhisano
Xana wena ni nkataku mi tshama swin’we ntsena kambe mi nga ha rhandzani?
MALUNGHANA NA HINA
Ha Yini U Fanele U Dyondza Bibele?
Bibele yi le ku pfuneni ka vanhu va timiliyoni emisaveni hinkwayo leswaku va kuma tinhlamulo ta swivutiso swa nkoka evuton’wini. Xana na wena u nge tsakeli leswaku yi ku pfuna?
MALUNGHANA NA HINA
Kombela Ku Endzeriwa Hi Timbhoni Ta Yehovha
Kombela ku endzeriwa hi Timbhoni ta Yehovha leswaku ti ta dyondza na wena Bibele kumbe u tirhisa progreme ya hina yo dyondza Bibele.
