Yeremiya 10:1-25
10 Twanani rito leri Yehovha a ri vuleke ku lwa na n’wina, n’wina Vaisrayele.
2 Yehovha u ri:
“Mi nga dyondzi ndlela ya matiko,+Mi nga chavisiwi hi swikombiso swa le matilweniHikuva matiko ma swi chava.+
3 Hikuva leswi vanhu va toloveleke ku swi endla a swi pfuni nchumu.
Munhu loyi a tivaka ntirho wa mavoko u tsema murhi wa le khwatiniA endla xikwembu hi wona.+
4 Va xi sasekisa hi silivhere ni nsuku+Va xi belela hi hamula ni swipikiri leswaku xi nga wi.+
5 Swikwembu swo tano swi fana ni nchumu lowu endleriweke ku chavisa swiharhi ensin’wini ya marhakarhaka, a swi vulavuli;+Swi fanele swi rhwariwa hikuva a swi swi koti ku famba.+
Mi nga swi chavi hikuva a swi nge mi vavisi,A swi swi koti hambi ku ri ku endla swilo leswinene.”+
6 Yehovha Xikwembu xanga, a nga kona loyi a fanaka na wena.+
U nkulu, vito ra wena i rikulu naswona ri ni matimba.
7 I mani loyi a nga fanelangiki a ku chava, wena Hosi ya matiko,+ hikuva swa ku fanela;Hikuva exikarhi ka vanhu hinkwavo vo tlhariha va matiko ni le xikarhi ka mifumo ya vona,A nga kona loyi a fanaka na wena nikatsongo.+
8 Hinkwavo ka vona a va ehleketi, i swiphukuphuku.+
Xiletelo lexi humaka emurhini a xi pfuni nchumu.+
9 Ku tisiwa swiphepherhele swa silivhere leswi humaka eTaraxixi+ ni nsuku wa le Ufazi,Swi endliwe hi munhu loyi a tirhaka hi nsimbhi.
Swiambalo swa vona swi endliwe hi harhani ya wasi ni voya bya phephulu.*
Hinkwaswo swi endliwe hi vanhu lava nga ni vuswikoti.
10 Kambe Yehovha i Xikwembu hakunene.
I Xikwembu lexi hanyaka+ ni Hosi leyi nga riki na makumu.+
Misava yi ta tsekatseka hikwalaho ka ku hlundzuka kakwe,+Matiko a ma nge byi tiyiseleli vukarhi byakwe.
11 * Mi ta va byela mi ku:
“Swikwembu leswi nga ma endlangiki matilo ni misavaSwi ta herisiwa emisaveni ni le hansi ka matilo.”+
12 I Muendli wa misava, u yi endle hi matimba yakwe,Loyi a simekeke tiko leri noneke hi vutlhari byakwe+Ni loyi a andlaleke matilo hi ku twisisa kakwe.+
13 Loko a vulavula,Mati ma hakaseka ematilweni,+U endla leswaku mapapa* ma suka emisaveni ma ya ehenhla.+
U endla ku va ni rihati leswaku ku na mpfula,U humesa mheho laha a yi vekeke kona.+
14 Vanhu hinkwavo va endle swilo handle ko anakanya ni ku pfumala vutivi.
Munhu un’wana ni un’wana loyi a tirhaka hi nsimbhi u ta khomisiwa tingana hikwalaho ka swifaniso leswi a swi endleke;+Hikuva swifaniso swa yena swa nsimbhi a hi swa ntiyiso,Naswona a swi hefemuli.*+
15 A swi pfuni nchumu, i ntirho lowu faneleke wu hlekuriwa.+
Loko siku ra ku avanyisiwa ka swona ri fika, swi ta lovisiwa.
16 Loyi a nga Xiavelo xa Yakobo a nga fani ni swilo leswi,Hikuva hi yena Loyi a endleke swilo hinkwaswo,Israyele i nhonga ya ndzhaka yakwe.+
Vito rakwe i Yehovha wa mavuthu.+
17 Rhwala ndzhwalo wa wena,Wena wansati loyi a tshamaka endhawini leyi rhendzeriweke.
18 Hikuva Yehovha u ri:
“Sweswi ndzi hlongola vaaki etikweni,+Ndzi ta endla leswaku va va ni maxangu.”
19 Khombo eka mina hikwalaho ka ku tshoveka ka mina!+
Mbanga ya mina a yi tshunguleki.
Kutani ndzi te: “Hakunene lebyi i vuvabyi bya mina naswona ndzi fanele ndzi byi tiyisela.
20 Tende ra mina ri onhiwile naswona tintambu ta tende ra mina ti tsemiwile.+
Vana va mina va majaha va ndzi siyile a va ha ri kona.+
A ka ha ri na loyi a nga ta ri vamba kumbe ku ri yimisa.
21 Hikuva varisi va endle hi vuphukuphuku,+A va vutisanga hi Yehovha.+
Hi yona mhaka leyi va endleke swilo handle ko twisisa,Naswona mitlhambi ya vona hinkwayo yi hangalasiwile.”+
22 Yingisa! Xiviko xi le ku teni!
Swigingi leswikulu leswi humaka etikweni ra le n’walungwini,+Leswaku swi endla miti ya Yuda yi va rhumbi, ndhawu leyi ku tshamaka timhungubye.+
23 Yehovha Xikwembu xanga, ndzi swi tiva kahle leswaku munhu a nge tikongomisi.
Munhu la fambaka a nga ka a nga ma kongomisi magoza yakwe.+
24 Yehovha Xikwembu xanga, ndzi lulamise hi vuavanyisi,Kambe u nga hlundzukanga,+ leswaku u nga ndzi herisi.+
25 Chululela vukarhi bya wena ehenhla ka matiko lama nga riki na mhaka na wena+Ni le henhla ka mindyangu leyi nga ri vitaniki vito ra wena.
Hikuva ma hlasele Yakobo,+Ma n’wi hlaserile ma n’wi lovisa,+Tiko rakwe ma ri endle rhumbi.+
Tinhlamuselo ta le hansi
^ Kumbe “xivunguvungu.”
^ Eku sunguleni ndzimana 11 a yi tsariwe hi Xiaramu.
^ Kumbe “nkahelo.”
^ Hi Xiheveru, “a swi na moya.”