Tipisalema 72:1-20
Pisalema leyi vulavulaka hi Solomoni.
72 Xikwembu xanga, dyondzisa hosi milawu ya wena,Dyondzisa ni n’wana wa hosi ku lulama ka wena.+
2 Onge yi nga lwela vanhu va wena hi ku lulama,Ni swisiwana swa wena hi vululami.+
3 Tintshava a ti tisele vanhu ku rhula,Ni swintshabyana a swi tise ku lulama.
4 A yi lwele* swisiwana,A yi ponise vana va la pfumalaka,A yi pfotlose mudyeleri.+
5 Va ta ku chava ntsena loko dyambu ra ha ri kona,Ntsena loko n’weti wa ha ri kona,Hilaha ku nga heriki.+
6 Yi ta fana ni mpfula leyi nelaka byanyi lebyi tsemetiweke,Ku fana ni swimpfulana leswi cheletaka misava.+
7 Lowo lulama u ta hluka hi nkarhi wa ku fuma ka yona,+Ku ta va ni ku rhula+ kukondza n’weti wu nga ha vi kona.
8 Yi ta fuma ku suka elwandle rin’wana ku ya eka rin’wanaNi ku suka eNambyeni* ku ya fika emakumu ka misava.+
9 Lava tshamaka emananga va ta yi khinsamela,Yi ta hlula valala va yona.*+
10 Tihosi ta Taraxixi ni ta le swihlaleni ti ta hakela xibalo.+
Tihosi ta le Xeba ni ta le Seba ti ta tisa tinyiko.+
11 Tihosi hinkwato ti ta yi khinsamela,Ni matiko hinkwawo ma ta yi tirhela.
12 Hikuva yi ta pfuna swisiwana leswi kombelaka mpfuno,Ni lava pfumalaka ni un’wana ni un’wana la nga riki na mupfuni.
13 Yi ta va ni musa eka swisiwana ni lava pfumalaka,Yi ta sirhelela vutomi bya swisiwana.
14 Yi ta swi ponisa eku tshikileriweni ni le madzolongeni,Ngati* ya swona yi ta va ya nkoka eka yona.
15 A yi hanye nkarhi wo leha, yi nyikiwa nsuku wa le Xeba.+
A yi khongeleriwe hi masiku,Naswona a yi katekisiwe mikarhi hinkwayo.
16 Ku ta va ni ndzalo ya mavele emisaveni;+Ma ta va ma tele ni le henhla ka tintshava.
Yi ta va ni mihandzu yo tala ku fana ni ya le Lebanoni,+Naswona emitini ku ta va ni vanhu vo tala ku fana ni byanyi.+
17 Vito ra yona a ri tshame hilaha ku nga heriki,+A ri tshame ri ri kona ku fana ni dyambu.
Vanhu a va katekisiwe hikwalaho ka yona;+Matiko hinkwawo a ma yi vule leyi tsakeke.
18 A ku dzunisiwe Yehovha Xikwembu, Xikwembu xa Israyele,+Ku nga yena ntsena la endlaka swilo swo hlamarisa.+
19 A ku dzunisiwe vito rakwe hilaha ku nga heriki,+Ku vangama ka yena a ku tate misava hinkwayo.+
Amen, Amen.
20 Swikhongelo swa Davhida, n’wana wa Yese,+ swi helela kwala.
Tinhlamuselo ta le hansi
^ Hi Xiheveru, “avanyise.”
^ Ku nga Yufrata.
^ Hi Xiheveru, “Valala va yona va ta nantswa ritshuri.”
^ Kumbe “Vutomi.”
