Mikiya 5:1-15
5 “Mi le ku tixekeleleni,N’wina vaaki va muti lowu hlaseriwaka;Hi rhendzeriwile.+
Va ba rhama ra muavanyisi wa Israyele hi nhonga.+
2 Wena Betlehema Efrata,+Wena lontsongo ngopfu exikarhi ka miti* ya Yuda,Eka wena ku ta huma loyi ndzi nga ta n’wi veka ku fuma Israyele,+Loyi a veke kona ku sukela khale ka khaleni.
3 Hikwalaho Xikwembu xi ta va fularhelaKu fikela enkarhini lowu loyi a faneleke a veleka a nga ta veleka ha wona.
Kutani vamakwavo hinkwavo va loyi a nga ta fuma va ta tlhelela eka vanhu va Israyele.
4 U ta yima a tlhela a risa hi matimba ya Yehovha,+Hi vukulu bya vito ra Yehovha Xikwembu xa yena.
Va ta tshama hi ku rhula,+Hikuva u ta va lonkulu ku ya fika emakumu ka misava.+
5 U ta tisa ku rhula.+
Loko Muasiriya o hlasela tiko ra hina a kandziyela swihondzo swa hina leswo tiya,+Hi ta veka varisi va nkombo ku lwa na yena, varhangeri va nhungu lava nga ta fuma.
6 Va ta xupula tiko ra Asiriya hi banga,+Ni tiko ra Nimrodo+ emindzilakanini ya rona.
U ta hi ponisa eka Muasiriya,+Loko a hlasela ni ku kandziyela tiko ra hina.
7 Lava saleke va ka Yakobo va ta va exikarhi ka vanhu vo talaKu fana ni mberha leyi humaka eka Yehovha,Ku fana ni mpfula leyi nelaka swimilanaYi nga lerisiwanga hi munhuYo tinela yi nga komberiwanga hi vanhu.
8 Lava saleke va ka Yakobo va ta va exikarhi ka matiko,Exikarhi ka vanhu vo tala,Ku fana ni nghala exikarhi ka swivandzana swa nhova,Ku fana ni xinghalana exikarhi ka mitlhambi ya tinyimpfu,Leswi hundzaka swi hlasela ni ku kakatlula;A ku na loyi a nga ta va ponisa.
9 Mi ta lwa ni valala va n’wina,
Valala va n’wina hinkwavo va ta lovisiwa.”
10 “Esikwini rero,” ku vula Yehovha“Ndzi ta dlaya tihanci ta n’wina ndzi herisa ni makalichi ya n’wina.
11 Ndzi ta lovisa miti ya tiko ra n’winaNdzi hirimuxa tindhawu ta n’wina hinkwato leti sirheleriweke.
12 Ndzi ta herisa vuloyi lebyi mi byi endlaka,Naswona exikarhi ka n’wina a ku nge he sali munhu la endlaka masalamusi.+
13 Ndzi ta herisa swifaniso swa n’wina ni timhandzi ta swikwembu swa mavunwa,Naswona a mi nge he swi khinsameli swilo leswi mi swi endleke.+
14 Ndzi ta simula timhandzi ta n’wina ta Axera*+ exikarhi ka n’winaNdzi herisa ni miti ya n’wina.
15 Ndzi ta tirihisela hi ku hlundzuka ni hi vukarhiEka matiko lama nga yingisangiki.”
