Taim Jisas i stap long graun, em i soim bikpela pasin laikim long ol man, moa yet long ol man i bel hevi na i stap rabis. (Matyu 9:36) Na tu, em i redi long givim laip bilong em long helpim ol narapela. (Matyu 20:28; Jon 15:13) Klostu nau, em bai kamapim gen pasin laikim bilong em long ol man long taim em i yusim namba na strong bilong em olsem King bilong Kingdom Bilong God long pinisim pasin bilong i stap rabis long olgeta hap bilong graun.

 Long ol tok olsem poem, Baibel i stori long samting Jisas bai mekim:

•   “Em i ken sambai long ol man i no gat nem, na em i ken kisim bek ol pikinini man bilong ol rabisman.”​—Buk Song 72:4.

 Hau bai yumi soim tenkyu long olgeta samting em Jisas i mekim pinis long yumi na ol samting em bai mekim bihain? Long Luk 22:19, Jisas i tokim ol disaipel bilong em long tingim dai bilong em. Olsem na long olgeta yia, taim aniveseri bilong dai bilong em i kamap, ol Witnes Bilong Jehova i save mekim bung. Mipela i invaitim yu long kam bung wantaim mipela long Memorial Bilong Tingim Dai Bilong Jisas long Sande, Mas 24, 2024.

Painim wanpela Memorial