Tusimpi 10:1-32
10 Tusimpi twa Solomoni.+
Mwana musongo ulabakkomanisya bausyi,+Pele mwana mufwubafwuba ubapa kuusa banyina.
2 Lubono lujanwa munzila mbyaabi talugwasyi pe,Pele bululami mbobuvwuna kulufwu.+
3 Jehova takalekeli baluleme kufwa nzala,+Pele babi takabapi nzyobalombozya.
4 Maanza aamutolo aletela bucete,+Pele maanza aamunkutwe aleta buvwubi.+
5 Mwana musongo ulayobolola zisyango ciindi cacilimo,Pele mwana uujazya nsoni uloona cakufwa ciindi cakutebula.+
6 Zileleko zili amutwe wamululami,+Pele mulomo wababi usisa nkondo.
7 Mpuwo mbotu yamululami iyoopa kuti alelekwe,+Pele zina lyababi liyoobola.+
8 Muntu uulaamoyo wabusongo ulazumina kulaigwa,*+Pele ooyo waamba zyabufwubafwuba uyoolyataukwa.+
9 Ooyo weenda kanyina kampenda unakweenda kaliibide,+Pele ooyo uulaanzila zipilingene uyoojatwa.+
10 Ooyo uutyanka liso lyakwe cabumpelenge uleta mause,+Awalo ooyo waamba zyabufwubafwuba uyoolyataukwa.+
11 Mulomo wamululami nkasensa kabuumi,+Pele mulomo wamubi usisa nkondo.+
12 Lusulo ndolubusya manyongwe,Pele luyando lulavwumba zinyonyoono zyoonse.+
13 Busongo bujanwa kumilomo yamuntu uulaamaano,+Pele musako ngwakuumya musana wamuntu uutakwe maano.*+
14 Basongo balayobola luzyibo,+Pele mulomo wamufwubafwuba wiita lunyonyooko.+
15 Lubono lwamuntu muvwubi ngomunzi wakwe uukwabilidwe.
Bucete bwabacete mbobubanyonyoona.+
16 Milimo yamululami itola kubuumi;Pele micelo yamubi itola kucibi.+
17 Ooyo uumvwa kulaigwa ninzila iitola kubuumi,*Pele ooyo uukaka kusinswa usowa bantu.
18 Muntu uusisa lusulo lwakwe waamba zyakubeja,+Alimwi ooyo uumwaya makani aabujayi* mufwubafwuba.
19 Mukuvwula kwamajwi takubuli kulubizya,+Pele ooyo uulijata kwaambaula amulomo wakwe ulicenjede.+
20 Mulaka wamululami uli mbuli nsiliva mbotu kapati,+Pele moyo wamubi taugwasyi kapati.
21 Milomo yamululami ilasanina* bantu banji,+Pele bafwubafwuba balafwa akaambo kakubula maano.+
22 Cileleko icizwa kuli Jehova ncecivwubya,+Alimwi tayungizyi macise* kulincico pe.
23 Kupona buumi busesemya kuli mbuli cisobano kumuntu mufwubafwuba,Pele muntu uulaamaano nguulaabusongo.+
24 Cintu ncayoowa mubi nceciyoomusikila;Pele balulami bayoopegwa zintu nzyobayanda.+
25 Iguwo lyaakwiinda, ibabi bayooloba,+Pele mululami nintalisyo iinooliko lyoonse mane kukabe kutamani.+
26 Mbubonya waini uupapide mboulimvwisya mumeno abusi mbobulimvwisya mumeso,Mbwabede muntu mutolo kuliyooyo uumutuma.*
27 Kuyoowa Jehova kupa kupona ciindi cilamfwu,+Pele myaka yababi iyookosokezyegwa.+
28 Bulangizi bwabaluleme buleta lukkomano,+Pele bulangizi bwababi buyooloba.+
29 Inzila ya Jehova nciyubilo ciyumu kumuntu uutakwe kampenda,+Pele ndunyonyooko kuli basimucita zibi.+
30 Mululami kunyina nayoowisyigwa pe,+Pele babi tabakakkali limbi munyika.+
31 Mulomo wamululami uzyala mucelo wabusongo,Pele mulaka iwaamba zyabumpelenge uyookosolwa.
32 Milomo yamululami ilizyi zintu zikkomanisya,Pele mulomo wabantu babi waamba zyabumpelenge.
Bupanduluzi buyungizyidwe
^ Mu Chihebrayo, “milawo.”
^ Mu Chihebrayo, “uutakwe moyo.”
^ Naa ambweni, “uli munzila iitola kubuumi.”
^ Naa “mamvwaamvwa.”
^ Naa “ilasololela.”
^ Naa “mause; mapenzi.”
^ Naa “kuliyooyo ngwabelekela.”
