1 Petro 5:1-14
5 Aboobo, mbwaanga andime ndili mwaalu, ndili kamboni wamapenzi aa Kristo, alimwi ndiyooba alubazu mubulemu ibuyooyubununwa,+ ndilomba* baalu akati kanu kuti:
2 Amweembele butanga bwa Leza+ ibuli mumaanza aanu, amubeleke mbomuli balangizi,* ikutali cakusinikizyigwa buya pe, pele cakuliyandila kumbele lya Leza;+ ikutali akaambo kakuyanda kujana mpindu cabumpelenge,+ pele caluyandisisyo;
3 ikutali kuba mbuli basimalelo kuli baabo ibali ndukono lwa Leza,+ pele mube zikozyanyo kubutanga.+
4 Eelyo mweembezi silutwe+ aakuyubununwa, muyootambula musini wabulemu uutajujuki.+
5 Mbubonya buyo, nywebo nobalombwana amulibombye kubapati.*+ Pele nyoonse amulicesye kuli umwi aumwi, nkaambo Leza ulabakazya ibalisumpula, pele ulabafwida luzyalo aabo ibalicesya.+
6 Aboobo, amulicesye ansi aajanza lya Leza lyanguzu, kutegwa akamusumpule kuciindi ceelede,+
7 kumwi kamuwaala makatazyo aanu oonse* kulinguwe,+ nkaambo ulamubikkila maano.+
8 Amulibatamike, amupakamane!+ Sinkondonyoko, Diabolosi, uyaabweendeenda mbuli syuumbwa wabutambo uuvwuluma, uyandaula muntu ngwatiimene buumbulu.+
9 Pele amumukazye,+ muyume mulusyomo, mbwaanga mulizyi kuti ciinga coonse cabakwesu munyika bainda mumapenzi ngoonya aaya.+
10 Pele mwamana kupenga kwakaindi kaniini, Leza waluzyalo loonse iwakamwiita kubulemu bwakwe butamani+ mukukamantana a Kristo, walo mwini uyoomanizya lwiiyo lwanu. Uyoomuzyatika,+ uyoomuyumya+ akumwiimika nji.
11 Kulinguwe akube nguzu kusikila kukabe kutamani. Ameni.
12 Kwiinda muli Siluvano,*+ ooyo ngondibona kuti mukwesu uusyomeka, ndamulembela majwi aaya masyoonto kutegwa ndimukulwaizye alimwi akupa bumboni businizyide bwakuti oolu nduzyalo lwa Leza lwini-lwini. Amwiime nji mulindulo.
13 Imukaintu uuli mu Babuloni, uusalidwe mbubonya mbuli ndinywe, wamwaanzya, awalo mwanaangu Marko+ wamwaanzya.
14 Amwaanzyanye akumyontana kwaluyando.
Luumuno alube andinywe nyoonse nomukamantene a Kristo.
Bupanduluzi buyungizyidwe
^ Naa “ndikulwaizya.”
^ Naa “kamubikkila maano kubulanganya.”
^ Naa “kubaalu.”
^ Naa “izimupa kulibilika zyoonse.”
^ Alimwi wiitwa kuti Sila.
