“Nindakachili muniini, munyandumaangu wakali kunduuma akundipopotela buzuba abuzuba. Nindakakwatwa, baamazyala atatazyala teebakali kundijata kabotu pe. Bakali kundijata mbuli muzike. Ndakasaanguna kuyeeya kulijaya.”—Madhu, a India.

 “Kutajatwa kabotu kwabantu bachanakazi nzintu zilikuchitika munyika yoonse,” akaambwa aaba-World Health Organization. Kwakajanwa kuti muntu wachanakazi uumwi aakati kabatatu tajatwi kabotu pe nikuba mumakani aakoonana.

 Kuti eezi kazili zyakakuchitikila, ulakonzya kuyoowa kuti bantu balakonzya kutakujata kabotu kwiinda mukukuuma, kukubuzya majwi mabi naakuti kutakujata kabotu muli zyakoonana. Akaambo kazintu eezi nzuswaana, ulakonzya kuyeeya mbuli mbubayeeya bantu biingi kuti, ‘Banakazi tabagwasyi pe.’ Pesi Leza ubabona kabayandikana na bantu bachanakazi?

 Lugwalo: “[Leza] wakalenga mwaalumi amwanakazi.” —Matalikilo 1:27.

 Eezi Zyaamba Kuti: Leza wakalenga mwaalumi amwanakazi. Boonse ubabona kuti beelede kulemekwa. Mukuyungizya, ulangilila kuti mwaalumi “[ayande] mwanakazi wakwe mbuli mbaliyanda,” kutali kumukalalila naakuti kumubuzya majwi aachisa. (Ba-efeso 5:33; Bakkolose 3:19) Zilaantanganana kuti Leza uyanda kuti bantu bachanakazi bajatwe munzila iilikabotu.

 “Nindakali muniini ndakali kujatwa chalunya muli zyakoonana ababbululu bangu. Nindakaba aaminyaka iili 17, muntu ngundakali kubelekela wakandibuzya kuti ulandaanda mulimu kuti ndakaka koonaawe. Nikuba lino mulumaangu, bazyali kuswaanizya abasimayikilane besu bandilangilaansi alubo tabandilemeki pe. Pesi ndakazooyiya atala aJehova, b Mulengi. Ulabalemeka bantu bachanakazi. Eezi zyakandigwasya kuti ndibone kuti ulandiyanda akuti ndilayandikana mumeso aakwe.”—Maria, Argentina.

 Lugwalo: “Pele kuli mulongwe uukakatila kwiinda mwanookwanu.”—Tusimpi 18:24.

 Eezi Zyaamba Kuti: Mweenzuma wachoonzyo ulakugwasya. Ulakonzya kubuzya umwi muntu ngusyoma mbulimvwa, kuti wabona kuti kuchita oobo kulakonzya kukugwasya.

 “Kwaminyaka iili 20 taakwe ngundakabuzya pe kuti teendakajatwa kabotu muli zyakoonana. Eezi zyakapa kuti nditabotelwi pe mubuumi akuti ndikataazikane. Pesi nindakazoobuzya umwi muntu mbundakali kulimvwa, ndakalimvwa mbuli kuti ndatulwa chibbudu chilema.”—Elif, Türkiye.

 Lugwalo: “Kamuwaala makataazyo aanu woonse kulinguwe, nkaambo ulaandaba andinywe.”—1 Petro 5:7.

 Eezi Zyaamba Kuti: Chiindi nukomba, Leza ulaswiilila. (Intembauzyo 55:22; 65:2) Akaambo kakuti ulaandaba anduwe, ulakonzya kukugwasya kuti ubone kuti ulayandikana.

 “Kwiiya atala aJehova kwakandisilika kubulwazi bwakukataazikana mbundakalaabo. Lino ndilakomba kuli Leza kandimubuzya mbundilimvwa. Leza uli mbuli mweenzuma uumvwisisisya.”—Ana, Belize.

 Lugwalo: “Jehova . . . uyoobabetekela cabululami bamucaala alimwi abaabo bauside, ikutegwa muntu buyo waanyika atabayoosyi limbi.” —Intembauzyo 10:​17, 18.

 Eezi Zyaamba Kuti: Lino-lino, Leza uzookumaninsya kutalulamisya, kuswaanizya akutajatwa kabotu kwabanakazi.

 “Kwakanduumbulizya loko kwiiya kuti lino-lino Jehova uzoomaninsya kutajatwa kabotu kwabantu bachanakazi. Zyakapa kuti ndibe aaluumuno lwamumizeezo.”—Roberta, Mexico.

 Kuti wiiye zyiingi atala abulangilizi bujanika muBbayibbili, akuti nkamboonzi nweelede kusyoma zisyomezyo zili mukati. Bakamboni baJehova balakonzya kukugwasya kuti uyiye Bbayibbili, kumbila kuswayigwa.

 Dawuniloda kapepa nkukonzya kupulinta.