Petro Wakusaanguna 5:1-14
5 Nkinkaako, mbuli mwaalunyokwe, kamboni wamapenzi aaKkristu asikutola lubazu mubulemu butazooyubununwe, ndilikukombelezya* baalu aakati kanu kuti:
2 Amweembele butanga bwaLeza mbumupedwe, mubeleke kamuli balangizi,* kamutamanikizigwi biya pe, pesi kamuliyandila kunembo lyaLeza, kamutayandi kujana zintu munzila yakutasyomeka pesi amoyo woonse,
3 kamutalichiti baami kuli baabo babonwa kuti ndukono lwaLeza, pesi amube zikozyano kubutanga.
4 Alubo mweembeli mupati aazooyubununwa, muzootambula bulumbu bwabulemu butajujuki.*
5 Munzila iikozyenie, andinywe nibaalumi bachiniini, amulibombye kubaalumi bapati.* Pesi moonse amuzwaate kulibombya, mulibombye kuli umwi awumwi, nkaambo Leza ulabakazya aabo balisumpula, pesi aabo balibombya ubafwida luzyalo lupati.
6 Nkinkaako, amulibombye kunsi aakuboko kwaLeza kulaamanguzu, kuchitila kuti azoomusumpule kuchiindi cheelede,
7 kumwi kamuwaala makataazyo aanu woonse kulinguwe, nkaambo ulaandaba andinywe.
8 Mizeezo yanu ayikkale kayibeleka kabotu, amulindile! Sinkondonyokwe Dyabbulosi ulikweendeenda mbuli mulavu uuvuluma, uulikuyanduula ngwatalume.
9 Pesi amumulwane, mwiime nji mulusyomo, kamuzi kuti ambabo bakombinyokwe* bamunyika yoonse balikuswaana mapenzi aakozyenie angimulikuswaana.
10 Pesi nimwamana kuswaana mapenzi kwachiindi chifwiifwi, Leza waluzyalo lupati loonse, ooyo wakamwiita kubulemu bwakwe butamani aamwi aKkristu, we lwakwe uzoomaninsizya lwiiyo lwanu. Uzoomusimya, uzoomupa manguzu, uzoomuzyatika.
11 Kulinguwe akube manguzu kukabe kutamani. Ameni.
12 Kwiinda muli Silvano,* ooyo ngundibona kuti mukombima uusyomeka, ndamulembela majwi mache, kuchitila kuti ndimusungwaazye akuti ndimupe bukamboni bwachoonzyo bwakuti, oolu nduzyalo lupati lwaLeza lwachoonzyo. Amwiime nji mulindulo.
13 Mwanakazi uuli kuBbabbiloni, ooyo uusalidwe mbuli ndinywe, ulikumujuzya, anguwe Makko mwanaangu ulikumujuzya.
14 Amujuzyanie amyonto yaluyando.
Moonse nimujisini aaKkristu amube aaluumuno.
Makani Aamunsi
^ Naakuti, “ndilikusungwaazya.”
^ Naakuti, “kamuli kubulanga kabotu.”
^ Naakuti, “musini wabulemu uutajujuki.”
^ Naakuti, “kubaalu.”
^ Naakuti, “bazyalwanyokwe.”
^ Ooyo wiitwa kuti Sila.
