Mbuli zina lyakuti N’anda yaBwaami mbulilipandulula, njiisyo zyamuBbaibbele zyambuulwa zilaatala aBwaami bwaLeza. Ciindi ciingi ngimakani Jesu ngakali kukambawuka.​—Luka 8:1.

Masena abukombi bwakasimpe muzilawo. Kuzwa kubusena oobo, mabambe akukambawuka makani mabotu alacitwa. (Matayo 24:14) Maanda aBwaami alisiyene kukomena abuyakwe, pesi oonse mabotu, miingi aawo alambungano ziingi. Minyaka yayinda, twakayaka makumi azyuulu zyaMaanda aBwaami mapya (mweelwe wamaanda alimusanu buzuba abuzuba) kweendelana akuvula kwabasikupupulula mumbungano. Eezi zikonzeka biyeni?​—Matayo 19:26.

Alayakwa kweelana azipo zisangilwa kuyasya maanda. Zipo eezi zilatumizigwa kuwofesi yamutabi kucitila kuti aawo nikwazooyandikana kuyaka naa kuyakulula Maanda aBwaami, igwasye mbungano eezyo.

Alayakwa abasikulipeda batabbadalwi pe bazwa mubukkale busiyene siyene. Muzisi zyiingi kwakabambwa Tubunga twabaSikuyaka Maanda aBwaami. Tubunga twabasikuyaka abasikulipeda, baleenda kuzwa kuli imwi mbungano kabaya kuli zimwi munyika eeyo njibakkala, nikuba kuzilawu zili kule, balagwasya mbungano zili mucilawu kukubayakila Maanda aabo aBwaami. Kuli zimwi zisi, Bakamboni beelela bakasalwa kukulangania mulimu wakuyaka akuyakulula Maanda aBwaami kuzilawu nzibapegwa. Nikuba kuti kuli basikulipeda biingi balaaluzibo mulizyakuyaka bazwa kumbi, balabeleka kufumbwa kuliikuyakwa. Bamumbungano abalabo mbibiingi kukucita mulimu wakulipeda. Eezi bazicita kwiinda mukugwasigwa amuuya waJehova alimwi amuuya wakujatana wabantu bakwe.​—Intembauzyo 127:1; baKolose 3:23.

• Nkaambo nzi masena eesu aakukombela ncayitwa kuti Maanda aBwaami?

• Cikonzeka biyeni kuyaka Maanda aBwaami munyika yoonse?