Niinzi Cinga Cilapa Kuti Mpuli Kiibotelwa?
Uyeeya kuti . . .
-
nduyando na?
-
nimali na?
-
nciimwi cintu na?
NZILYAAMBA BBAIBBELE
“Ibakkomene mbaabo baswiilila jwi lya Leza akulicita!”
NCIZYAAMBA KULI NDUWE
Ulajana luyando lwacoonzyo.
Ulajana kulemekwa kwacoonzyo.
Ulajana lukwabililo lwakasimpe.
KUJANA TWAZISYOMA NA COONZYO NZILYAAMBA BBAIBBELE?
Iiyi, akaambo katwaambo tubili:
-
Leza nguSikutalisya buumi bwampuli. IBbaibbele lyamba kuti ‘mpuli zyoonse zyakatambula zina lyanjiyo’ kuzwa kuli Jehova Leza. (baEfeso 3:14, 15) Eezi zyaamba kuti impuli nciziliwo nkaambo Jehova nguwe wakazitalisya. Nkamboonzi kaambo aaka ncikali kapati?
Yeeya eeci: Ikuti na wali kulya cakulya cimwi cinono loko alimwi wayanda kuziba zyaswanizigwa mukati, ngwani ngwaali kunoobuzya? Cilantanganana kuti wali kunoobuzya sikucijika.
Mbumbubo, ikuti katuyanda kuziba cipa kuti buumi bwamumpuli kabubotezya, ncamaanu kutobela nzyaamba Jehova Sikutalisya mabambe ampuli.
—Matalikilo 2:18-24. -
Leza ulaandaba anduwe. Zitondezya busongo kutobelezya malailile aJehova ngitujana muJwi lyakwe. Nkamboonzi? “Nkaambo nguumucebuka lyoonse.” (1 Petro 5:6, 7) Jehova ukuyanda camoyo woonse, alimwi lulayo lwakwe lulagwasya ciindi coonse!
—Tusimpi 3:5, 6; Isaya 48:17, 18.
NZYONGA ULAYEEYA
Niinzi cinga cilapa kuti ube mulumi, mukaintu, na muzyali uuli kabotu?
Mubuzyo ooyu ulasandulwa muBbaibbele muli BAEFESO 5:1, 2 amuli BAKOLOSE 3:18-21.
You May Also Like
AMUBUKE!
Mulengi Wesu Utupa Busongo Bupa Kuti Tubotelwe Mumpuli
Niinzi nzibeelede kuchita baalumi, banakazi, bazyali abana kuti babotelwe mumpuli?
AMUBUKE!
Mpuli Zizwidilila—Kubelekelaamwi
Muntu ngukwetenaawe umubona kali mbuuli muntu ngukkalaawe luzutu na?
ATALA ANDISWE
Nkamboonzi Nitweelede Kwiiya Bbayibbele?
Munyika yoonse, bantu biingi.baliikuzijana muBbaibbele nsandulo zyamibuzyo iikatazya loko mubuumi. Ulayanda na kuti ayebo ube umwi wabaabo?
ATALA ANDISWE
Kumbila Kuswayigwa
Mwaambuule atala amubuzyo wamuBbayibbili, naakuti yiya zyiingi atala aBakamboni baJehova.
