CHIIYO 01

Kujana Bbayibbele Lyakugwasya Biyeni?

LIZYA

Toonse tuyanda kuziba nsandulo zyamibuzyo iili mbuli yakuti: ‘Tuponenaanzi?, Nkamboonzi nikuli mapenzi?, Nkamboonzi nitufwa akuti buumi buyooba biyeni kunembo?’ Alubo tuyanda zintu zikonzya kutugwasya kuti tusanine mpuli zyesu akuti tubotelwe mumpuli. Bantu biingi bakabona kuti Bbayibbele lilakonzya kusandula mibuzyo iibakataazya alubo lilakonzya kubagwasya kuti babotelwe mubuumi. Ulasyoma na kuti Bbayibbele lilakonzya kugwasya muntu woonse?

1. Njiili imwi mibuzyo iikonzya kusandulwa aaBbayibbele?

Bbayibbele lilaansandulo zyamibuzyo iili mbuli yakuti: Twakazwa kuli? Tuponenaanzi? Nkamboonzi bantu nibaswaanana aamapenzi? Niinzi zichitika kuti muntu wafwa? Nkamboonzi munyika nimuli nkondo? Nyika inookkede kayili boobu na? Nsandulo zyamibuzyo eeyi tulazijana muBbayibbele alubo bantu biingi bakabona kuti nsandulo zili muBbayibbele zilagwasya.

2. Bbayibbele nga lilatugwasya biyeni kuti tubotelwe mubuumi?

Bbayibbele lilaamalayilile aakonzya kutugwasya. Muchikozyano, lilaamalayilile aakonzya kugwasya mpuli kuti zibotelwe. Alubo lilaamalayilile aakonzya kutugwasya chiindi nitukataazikene alubo lilatugwasya kuti tubotelwe amilimu njituchita. Chiindi nitwanoolanga-langa chipanzi eechi, tuyoobona kuti Bbayibbele lityeni atala amakani aaya. Uyoobona kuti “Magwalo oonse [makani woonse aalembedwe muBbayibbele] . . . alagwasya.”—2 Timoteyo 3:16.

Bbuku eeli teeBbayibbele pe. Pesi lyakalembelwa kuti likugwasye kumvwisisisya Bbayibbele. Tukusungwaazya kuti ubale mavesi woonse aalembedwe zyiiyo eezi mpawo ubone kuti ayendelana biyeni anzulikwiiya.

YIYA ZYIINGI

Bona kuti Bbayibbele lyakabagwasya biyeni bamwi, nzweelede kuchita kuti unoneezegwe chiindi nulibala akuti nkamboonzi nweelede kuyanduula lugwasyo kuti ukonzye kulimvwisisisya.

3. Bbayibbele lilakonzya kutuzulwida

Bbayibbele lili mbuli tochi. Lilakonzya kutugwasya kuti tusale kabotu akuti tukonzye kuziba zintu zitazoochitike kunembo.

Bala Intembauzyo 119:105, mpawo usandule mibuzyo iitobela:

Sintembawuzyo wakali kulibona biyeni Jwi lyaLeza?
Ani iwe ulibona biyeni Bbayibbele?

4. Bbayibbele lilakonzya kusandula mibuzyo njitulaayo

Umwi mwanakazi wakagwasigwa aaBbayibbele kuti ajane nsandulo zyamibuzyo njaakalaayo kwaminyaka myiingi. Mweebele KAVIDIYO, mpawo musandule mibuzyo iitobela.

KAVIDIYO: Mutaleki Kuba Abulangizi! (1:48)

Njiili mibuzyo yakali kukataazya mwanakazi ooyu?
Kwiiya Bbayibbele kwakamugwasya biyeni?

Bbayibbele litusungwaazya kuti katubuzya mibuzyo. Bala Matayo 7:7 mpawo musandule mubuzyo uutobela:

Njiili mibuzyo njulaayo iikonzya kusandulwa aaBbayibbele?

5. Kubala Bbayibbele kulakonzya kukunoneezya

Bantu biingi bali kunoneezegwa kubala Bbayibbele alubo lili kubagwasya. Mweebele KAVIDIYO, mpawo musandule mibuzyo iitobela.

KAVIDIYO: Kubala Bbayibbele (2:05)

Bachikula bali mukavidiyo aaka bakubona biyeni kubala?
Pesi niinzi chipa kuti kubanoneezye kubala Bbayibbele?

Bbayibbele lilakonzya kutuumbulizya akutupa bulangilizi. Bala Baroma 15:4, mpawo musandule mubuzyo uutobela:

Kuziba kuti zilembedwe muBbayibbele zilatuumbulizya akutupa bulangilizi kupa kuti umvwe biyeni?

6. Tulakonzya kugwasigwa aabamwi kuti tumvwisisisye Bbayibbele

Bantu biingi bakabona kuti tabeelede kugolela aakubala Bbayibbele luzutu pesi beelede kujana muntu uukonzya kubagwasya kuti balimvwisisisye. Bala Milimo 8:26-31 mpawo musandule mubuzyo uutobela:

Niinzi chikonzya kutugwasya kuti tumvwisisisye Bbayibbele?—Langa vesi 30 a31.

Mwaalumi wakuItiyopiya wakakumbila kuti agwasigwe kumvwisisisya Magwalo. Bantu biingi bakabona kuti beelede kujana muntu uukonzya kubagwasya kuti bamvwisisisye Bbayibbele

BAMWI BAAMBA KUTI: “Kwiiya Bbayibbele nkulimochela chiindi.”