Chiyubunuzyo chaJohane 16:1-21
16 Mpawo ndakamvwa jwi pati kuzwa mundawu iisalala kaliti kungilozi zili musanu azibili: “Amwiinke mukatile ndido zili musanu azibili zyakunyema kwaLeza aanyika.”
2 Ngilozi yakusaanguna yakayinka yaakutila ndido yayo aanyika. Mpawo aabo bakali aachitondeezyo chamunyama abaabo bakali kukomba chifanikisyo chamunyama, bakaba aachilonda chibi loko alubo chichisa.
3 Ngilozi yachibili yakatila ndido yayo mulwizi. Mpawo lwakasanduka lwaba ganzi lili mbuli lyamuntu uufwide, alubo chilenge choonse chipona chakafwa, kwaamba choonzyo, zintu zyamulwizi zyakafwa.
4 Ngilozi yachitatu yakatila ndido yayo mumilonga amutusawu twamaanzi. Mpawo zyakasanduka zyaba ganzi.
5 Ndakamvwa ngilozi iili aajulu aamaanzi kayiti: “Iwe nuuliwo alubo wakaliwo alubo uusyomeka, uliluleme nkaambo wagwisya mbeta eezi,
6 nkaambo bakatila ganzi lyabasalali alyabapolofita alubo wabapa ganzi kuti banywe. Eezi zilibeelede.”
7 Mpawo ndakamvwa chipayililo kachiti: “Mbubo loko Jehova* Leza, Singuzuzyoonse, mbeta zyako* nzyakasimpe alubo zililuleme.”
8 Ngilozi yachine yakatila ndido yayo aazuba, mpawo zuba lyakazumizigwa kuti litente bantu amulilo.
9 Mpawo bantu bakatentwa akupya kupati, nikuba oobo, bakasampula zina lyaLeza, ooyo uuli aamanguzu aajulu aazipenzyo eezi, alubo teebakasanduka pe akumupa bulemu.
10 Ngilozi yamusanu yakatila ndido yayo aachuuno chabwaami chamunyama. Mpawo bwaami bwacho bwakachitwa kuti busiye, alubo bakasaanguna kuliluma tulimi akaambo kamachise aabo,
11 nikuba oobo, bakasampula Leza wakujulu akaambo kamachise aabo azilonda zyabo alubo teebakasanduka pe kumilimu yabo.
12 Ngilozi yamusanu awumwi yakatila ndido yayo mumulonga mupati waYufurati, mpawo maanzi aawo akayuminina kuchitila kuti kubambwe nzila yabaami bazwa kubuzwezuba.
13 Mpawo ndakabona majwi aatatu aatasalali aakazulwidwa aamuuya aakali kuboneka mbuli bachulwa, kaazwa* munkanwa lyanzoka mpati iiyoosya amunkanwa lyamunyama amunkanwa lyamupolofita wakubeja.
14 Kwaamba choonzyo, majwi aaya azulwidwa aamadimoni alubo achita zitondeezyo, alubo alayinka kubaami banyika yoonse, kuti akababunganizyaamwi kunkondo yabuzuba bupati bwaLeza Singuzuzyoonse.
15 “Bona! Ndilikuza mbuli mubbi. Ulabotelwa ooyo uukkala kalangide alubo uubamba zigogo zyakwe zyaajulu, kuchitila kuti ateendi katazweete pe mpawo bantu babone chinkuna chakwe chifwisya bweeme.”
16 Mpawo bakababunganizyaamwi kundawu iitegwa Amagedoni* muchiHebberu.
17 Ngilozi yamusanu azibili yakatila ndido yayo mumoya. Mpawo kwakazwa jwi pati mundawu iisalala kuzwa kuchuuno chabwaami, kaliti: “Zyachitika.”
18 Mpawo kwakaba kumweka kwatulabi amajwi akudilima alubo kwakaba muzuzumo wanyika mupati uutanachitika pe kuzwa muntu naakaba aanyika, muzuzumo wanyika ooyo wakali aamanguzu alubo wakali mupati.
19 Muunzi mupati wakaanzaana akuba zipanzi zitatu, alubo myuunzi yazisi yakadilika, alubo Bbabbiloni Mupati wakayeeyegwa kunembo lyaLeza, kuti apegwe nkomeki yawayini yakunyema kwabukali bwaLeza.
20 Alubo tusuwa toonse twakachija, alubo zilundu teezyakajanika pe.
21 Mpawo chivulamabwe chipati chizwa kujulu chakawida bantu, bbwe limwi lyachivulamabwe eecho lyakali kulema talenta* limwi, mpawo bantu bakasampula Leza akaambo kachipenzyo chachivulamabwe, nkaambo chipenzyo eecho chakali chipati loko.
Makani Aamunsi
^ Langa Bupanduluzi Bwamabala.
^ Naakuti, “nzila zyako zyakubeteka.”
^ Naakuti, “myuuya mibi iitatu yakali kuboneka mbuli bachulwa kayizwa.”
^ ChiGrikki, Har Ma·ge·don′, lizwa kubbala lyachiHebberu lyaamba “Chilundu chaMegido.”
^ Talenta lyamaGrikki lyakali kulema makkilogilamu aali 20.4.
