Lwakusaanguna kuBakkorinte 16:1-24
16 Kumakani aali atala akubunganizya mali yakugwasya basalali, mulakonzya kutobelezya malayilile ngindakapa mbungano zyakuGalatiya.
2 Mubuzuba bwakusaanguna bwamviki imwi ayimwi, umwi awumwi wanu abikke chimwi chintu kumbali kweendelana anzyalaazyo, kuchitila kuti mutazoozibunganizyi nindasika.
3 Pesi nindasika nkukooko, ndizootuma baalumi mbimutasale mumagwalo aanu kuti batole chipo chanu kuJerusalema.
4 Pesi kuti kazichita kuti andime ndiinke nkukooko, ndizooyinkaabo.
5 Pesi ndizoosika kulindinywe kandili ndayinda muMakkedoniya, nkaambo ndiyanda kwiinda muMakkedoniya.
6 Alubo ulabona ndazookkala aandinywe, amwi kusikila chikayinde chiindi champeyo, kuchitila kuti nindayeeya kweenda, muzoondisindikile kwakasinzo.
7 Nkaambo tandiyandi kumubona kwachiindi chifwiifwi nindayinda, pesi ndiyanda kuzookkala aandinywe, kuti Jehova* wazumizya.
8 Pesi lino ndilakkala mu-Efeso kusikila kuchiindi chaPobwe lyaPentekkoste.
9 Nkaambo ndajulilwa mulyango mupati uupa kuti ndichite milimu myiingi, pesi kuli basikukazya biingi.
10 Kuti Timoti wasika kulindinywe, amumujate kabotu kuchitila kuti atayoowi nanooli aakati kanu, nkaambo ulikuchita mulimu waJehova* mbuli ndime.
11 Nkinkaako, kutabi muntu uumulangilaansi pe. Muzoomusindikile muluumuno kuchitila kuti aze kulindime, nkaambo ime abakombima tunoomulindide.
12 Apolo mukombima ndakamukombelezya kuti azaamwi abakombima kulindinywe. Talibambilide pe kuza kulindinywe kuchiindi eechino, pesi ulasika kulindinywe aajana mweenya.
13 Amukkale kamulangide, mujatisisye mulusyomo, muchite mbuli baalumi* alubo musime.
14 Zintu zyoonse nzimuchita, amuzichite aaluyando.
15 Mulizi kuti bamung’anda yaStefanasi njiimichelo yakusaanguna yamu-Akkaya akuti bakalipeda kugwasya basalali, nkinkaako bakombima, ndimusungwaazya kuti:
16 Amwiinkilile kunembo kulibombya kubantu bali boobu akubabelesi boonse balikubeleka changuzu.
17 Ndilikubotelwa loko nkaambo Stefanasi, Fochunato, a-Akkayikko bakasika alubo bakandigwasya loko nkaambo inywe teemwakaliwo pe.
18 Nkaambo bakabusilizya moyo* wangu awanu. Nkinkaako, amubalemeke baalumi bali boobu.
19 Mbungano zili ku-Asiya zilikumujuzya. Akkwila aPrisikka kuswaanizya ambungano iinjilila mung’anda yabo, balikumujuzya amoyo woonse muMwaami.
20 Bakombima boonse balikumujuzya. Amujuzyanie amyonto iisalala.
21 Nkoku kujuzya kwangu nkundalemba akuboko kwangu, ime ndiPawulu.
22 Kufumbwa muntu uutamuyandi pe Mwaami, atukwe. O Mwaami wesu, kuza!
23 Luzyalo lupati lwaMwaami Jesu alube aandinywe.
24 Ndimuyanda loko moonse nimujisini aaKkristu Jesu.
Makani Aamunsi
^ Langa Bupanduluzi Bwamabala.
^ Langa Bupanduluzi Bwamabala.
^ Naakuti, “mube aachibindi.”
^ MuchiGrikki, “muuya.” Langa Bupanduluzi Bwamabala.
