Lau ʻa e Taniela 9:​1-19 ke ako fekauʻaki mo e mahuʻinga ʻo e ako tōtōiví.

Sivisiviʻi ʻa e potutohí. Ko e hā ʻa e ngaahi meʻa naʻe toki hokó, pea naʻe anga-fēfē hono tākiekina ai ʻa Tanielá? (Tan. 5:29–6:5) Naʻe mei fēfē hoʻo ongoʻí kapau ko Taniela koe?

Keli loloto ange. Ko e hā ʻa e “ngaahi tohi toputapú” naʻe vakai nai ki ai ʻa Tanielá? (Tan. 9:​2, fkm. ʻi lalo; w11-E 1/1 22 ¶2) Ko e hā naʻe vete ai ʻe Taniela ʻene ngaahi angahalá mo e ngaahi angahala ʻa e puleʻanga ʻo ʻIsilelí? (Liv. 26:​39-42; 1 Tuʻi 8:​46-50; dp-E 182-184) ʻOku anga-fēfē hono fakahaaʻi ʻi he lotu ʻa Tanielá ko ha tokotaha ako tōtōivi ia ʻo e Folofola ʻa e ʻOtuá?—Tan. 9:​11-13.

ʻIloʻi ʻa e ngaahi lēsoní. ʻEke hifo:

• ‘ʻE lava fēfē ke u fakaʻehiʻehi mei he hoko ʻo fakaleluʻi ʻe he ngaahi meʻa ʻoku hoko ʻi he māmaní?’ (Mai. 7:7)

• ‘ʻE anga-fēfē ʻeku maʻu ʻaonga ʻi hono ako tōtōivi ʻa e Folofola ʻa e ʻOtuá, hangē ko Tanielá?’ (w04 8/1 12 ¶17)

• ‘Ko e hā ʻa e ngaahi kaveinga ki he ako fakafoʻituituí te ne tokoniʻi au ke “hanganaki leʻo”?’ (Māt. 24:​42, 44; w12 8/15 5 ¶7-8)