ʻOku mahinoʻi ʻe Sīsū ʻa e ʻuhinga ke faingataʻaʻia ai koeʻuhi ko e faihiá mo e fakamaau taʻetotonú. Naʻe tukuakiʻi halaʻi, tā taʻefakalao, fakamāuʻi taʻetotonu, fakahalaiaʻi ʻi ha founga hala pea tāmateʻi ʻi he founga anga-fakamamahi. Neongo naʻá ne tonuhia, naʻá ne feilaulauʻi taʻesiokita mo loto-lelei “ʻene moʻuí ko ha huhuʻi maʻá e tokolahi.” (Mātiu 20:28; Sione 15:13) ʻI hono tuʻunga ko e Tuʻi ʻo e Puleʻanga ʻo e ʻOtuá ʻi he taimí ni, ʻoku vavé ni ke ne ʻomai ʻa e fakamaau totonú ki māmani kātoa, pea fakangata ʻosi ʻa e faihiá.​—ʻAisea 42:3.

 ʻOku fakamatalaʻi ʻe he Tohi Tapú ʻa e tuʻunga ʻe ʻi ai ʻa e māmaní ʻi he hili ʻa e ngāue mai ʻa Sīsū:

•   “ʻE ʻikai toe ʻi ai ʻa e kau fulikivanú; te ke fakasio ʻa e feituʻu naʻa nau ʻi aí, ka ʻe ʻikai te nau ʻi ai. Ka ko e anga-vaivaí te nau maʻu ʻa e māmaní, pea te nau maʻu ʻa e fiefia lahi ʻi he melino hulu fau.”​—Saame 37:10, 11.

 ʻE lava fēfē ke tau fakahaaʻi ʻetau houngaʻia ki he meʻa kotoa kuo fai ʻe Sīsuú mo ia kuo vavé ni ke ne fai maʻa kitautolú? ʻI he Luke 22:19, naʻe tala ai ʻe Sīsū ki hono kau muimuí ke nau fakamanatu ʻene pekiá. Ko e ʻuhinga ia ʻoku fakatahataha fakataha ai ʻa e Kau Fakamoʻoni ʻa Sihová ʻo tuʻo taha ʻi he taʻu, ke fakamanatu ʻene pekiá. ʻOku mau fakaafeʻi atu koe ke tau kau fakataha ʻi hono fakamanatu ʻa e Pekia ʻa Sīsuú ʻi he ʻaho Sāpate, Maʻasi 24, 2024.

Kumi ki ha Fakamanatu