Nka Rapelela Eng?
Karabo ya Baebele
O ka rapelela sengwe le sengwe se Modimo a se amogelang se se kwadilweng mo Baebeleng. “Go sa kgathalesege gore ke eng se re se kopang kafa thatong ya [Modimo], o a re utlwa.” (1 Johane 5:14) A o ka umaka dilo tse di go tshwenyang? Ee. Baebele ya re: “Tshololelang pelo ya lona fa pele ga [Modimo].”—Pesalema 62:8.
Dikai tsa dilo tse o ka di rapelelang
Go nna le tumelo mo Modimong.—Luke 17:5.
Moya o o boitshepo kgotsa maatla a Modimo a a dirang, gore a go thuse go dira se se siameng.—Luke 11:13.
Nonofo ya go lebana le mathata le go fenya thaelo.—Bafilipi 4:13.
Kagiso ya mogopolo kgotsa go ritibala.—Bafilipi 4:6, 7.
Botlhale jwa go dira ditshwetso tse di siameng.—Jakobe 1:5.
Thuso ya go bona dilo tsa letsatsi le letsatsi tse re di tlhokang.—Mathaio 6:11.
Go itshwarelwa maleo.—Mathaio 6:12.
Tse Dingwe Tse O ka Di Kgatlhegelang
TORA YA TEBELO
O ka Rapela Jang Gore Modimo a Utlwe Dithapelo Tsa Gago?
O ka rapela Modimo nako nngwe le ngwe gongwe le gongwe, o rapelela kwa godimo kgotsa mo pelong. Jesu o re rutile gore re ka rapela jang.
ESSENTIAL BIBLE TEACHINGS
A Modimo o Reetsa Dithapelo Tsotlhe?
A o utlwa thapelo ya motho yo o ikakanyetsang a le nosi? A o reetsa thapelo ya motho yo o sotlang mosadi wa gagwe?
DIKARABO TSA DIPOTSO TSA BAEBELE
Ke Mabaka Afe a Mabedi a a Dirang Gore Modimo a se Arabe Dithapelo Dingwe?
Ithute gore ke dithapelo dife tse Modimo a sa di arabeng le gore ke batho ba ba ntseng jang ba Modimo a sa ba reetseng.
