I te Fale o Hauniga e talanoa ai ki matou ki nā akoakoga kautū a te Tuhi Paia e hagatonu atu ki te Mālō o te Atua​—ko te matua tēnei a te talakiga a Iehu.​—Luka 8:1.

Ko ni nofoaga o te tāpuakiga moni i te nuku. Mai te tulaga tēnei, e fakamaopoopo e Molimau a Ieova a latou galuega talaki i te kogāmea pili mai. (Mataio 24:14) E kehekeke te lalahi o nā Fale o Hauniga ma te auala e fau ai, kae ko ni fale e hē hōna teuteu lahi, e mahani oi fakaaogā i te hili atu o he fakapotopotoga e fokotahi. I tauhaga pili mai, kua fau ai e ki matou te fia hefulu afe o Fale o Hauniga fou (e mahani oi fau ni Fale o Hauniga e lima i he aho e tahi) ke fakafetaui ki te tupu ake o nā tino talaki ma matou fakapotopotoga. E fai vēhea?​—Mataio 19:26.

fau mai ni meaalofa kua fuafua mo nā faugafale o nā Fale o Hauniga. Ko nā meaalofa iēnei e lafo ki te ofiha o te lālā ke fakaavanoa te tupe ke kavatu ni kaitalafu e hēai he tupe fakahili ki nā fakapotopotoga e fofou ki he fehoahoani ke fau pe toe fakafou he Fale o Hauniga.

E fau e ni tino e ofo atu ma hē totogi mai ni tulaga ma galuega kehekehe. I te lahiga o nā fenua, ko nā Vaega Faufale mo Fale o Hauniga kua fakamaopoopo. E i ei nā vaega o nā kaukauna o faugafale ma nā tino e tauofo atu ke olo ki tēia fakapotopotoga ma tēia tahi fakapotopotoga i loto lava o te fenua, e tutuha ma nā nofoaga e faigatā oi pa ki ei, e fehoahoani ki latou ki nā fakapotopotoga ke faugafale o latou Fale o Hauniga. I iē tahi fenua, ka tofia he Molimau popoto ke taukikila ki te fau ma te fakafou o nā Fale o Hauniga i loto o he kogāmea kua tōfia. Ko nā toeaina i ei te poto i te faufale e takitaki nā fakapotopotoga i tulaga uma o he galuega, ma nā uho kamuta e galulue fua e heai he totogi. E tīgā e tokolahi nā tino poto mahani faufale e ōmamai mai te kogāfenua, e tauofo ma galulue e tauofo te tokolahiga o nā hui mai te fakapotopotoga e o latou te fale o hauniga. Ko te agaga o Ieova ma te taumafaiga ma te loto kātoatoa o ona tino e mafai oi fai nā mea uma iēnei.​—Halamo 127:1; Kolohe 3:​23.

• E mafai vēhea oi fau nā Fale o Hauniga i te lalolagi kātoa?