KURAN NEN!

 Kwagh Ngu Zan Agumaior Kpishi Iyol ken Ityough Hegen man Iyenge la Ngi Seer a Seer—Ka Nyi Bibilo i Ôr sha Kwagh Laa?

 Sha iyange i Hiitom, Febewari 13, 2023 la, Gbaatom u Nengen sha Kwagh u Nôngon a Iangev shi Yangen Mbi u ken tar u Amerika u i yer ér (Centers for Disease Control and Prevention (CDC)) la, due a ibaver i sha kwagh u akaa aa lu zan agumaior iyol ken ityou ken tar la yô. Ibaver la kaa ér mbayev 40 ken atô u mbayev 100 mba ken kôleeji ka ve ure shighe gôgônan shi uma a due ve ishima.

 Dr. Kathleen Ethier, u a hemen Gbaatom u nengen sha Kwagh u Agumaior man Mkpeyol u Mbayevmakeranta, u i yer ér Division of Adolescent and School Health (DASH) la, kaa wener: “Er zayol u iangev mbi ken ityou mbi agumaior la a lu vihin seer a seer ken anyom 10 a karen ne nahan kpa, gbenda u kwagh a lu zan agumaukase iyol ken ityou hegen shi ka ve nôngon shin ve henen sha kwagh u wuan iyol ve la, i gbe je se mba a nenge a imbakwagh ne ga.”

 Ibaver la kaa ér:

•   Ken atô u mbayevkasev 10 yô, wanyekwase 1 di tsô yô (ka mbayevkasev 14 ken atô u mbayevkasev 100 je la) ka i kighir nan, nan yav a or hen shighe u i lu a kuma wanyekwase shon u yaven a or ga yô. Dr. Ethier kaa ér: “Kwagh ne ka kwagh u zan iyol kpishi. Sha ci u ibaver la tese ér aluer u fa mbayevkasev 10 yô, fa wer 1 ken atô ve di tsô yô, i kighir nan, i yav a mi, shin iyenge la ia fatyô u hemban nahala je kpaa.”

•   Ken atô u mbayevkasev 3 yô, wanyekwase 1 (ka mbayevkasev 30 ken atô u mbayevkasev 100 je la) ken ve hen sha kwagh u wuan iyol ve.

•   Ken atô u mbayevkasev 5 yô, mbayevkasev 3 (ka mbayevkasev 57 ken atô u mbayevkasev 100 je la) ken ve ure shi ve kera nenge a ityôkyaa i lun uma ga.

 Akaa a ibaver ne i due a mi la vihi kpishi. Shighe u or lu gumor la ka shighe u i gbe u ma i saan nan iyol shi ma nan ember yô. Nahan ka nyi ia wase agumaior aa nôngo a akaa a nyian ishima a ve lu tagher a mi hegen nee? Bibilo kaa ér nyi?

Bibilo ôr kwagh u una wase agumaior yô

 Bibilo pase kwagh u ashighe a taver a se lu ker hegen ne wang je. I kaa ér, “ashighe a bo aa va shi uma una taver.” (2 Timoteu 3:1-5) Nahan cii kpa, Bibilo ngi a kwaghwan u a lu wasen agumaior umiliôn imôngo tar sha won cii u nôngon a mbamzeyol mba ve lu tagher a mi la yô. Nenge ase ngeren mba ve har sha Bibilo ne.

•   Aluer M Kera Soo u Lun Uma Ga Di Ye?

•   M Soo U Kpen—Bibilo Ia Fatyô u Wasen Mo Shighe u M Lu Henen sha Kwagh u Wuan Iyol Yam Kpa?

•   Ityôkyaa i Shi lun Uma Jim yô ka Nyi?

•   Me Er Nena ve Me kera Ure Ga?

•   Me Er Nena ve Me De u Henen Akaa a Shami Ga?

•   Me Nôngo a Ishimanyian Nena?

•   Me Er Nena ve Ishima Ia De U Vihin Mo Kere?

•    

•   Aluer Mba Hiin Mo Di Ye?

•   Aluer Mba Hiin Mo sha Intanet Di Ye?

•   Hemba Or u Nan Hiin We la a u Eren Ayôôso a Nan Shio (ukatun mba i lu kperan ave yô)

•   Me Nôngo a Ieren i Zan Or Iyol Ér a Yav a Nan La Nena?

•   Ka Nyi i Gbe u Me Fa sha Kwagh u Ieren i Kighir Or Yaven a Nan Laa?—Vegher 1: Akaa a I Gbe u U Wa Ikyo Shami Yô

•   Ka Nyi i Gbe u Me Fa sha Kwagh u Ieren i Kighir Or Yaven a Nan Laa?—Vegher 2: Akaa a U Er Ve Ishima Ia De u Zan We Iyol Yô

Bibilo wa mbamaren kwagh u una wase ve yô

 Bibilo due Mbamaren a igbenda i vea fatyô u wasen mbayev vev mba ve lu agumaior la u nôngon mbamzeiyol mba ve lu tagher a mi yô. Nenge ase ngeren mba ve har sha Bibilo ne.

•   Ka Nyi Ka I Na Agumaior a Ure? Ka Nyi Ia Wase Ve?

•   Shighe u I Tume Wan Wou u Kwase u Nan Lu Hian a Hia la Iyol Yô

•    

•    

•    

•   Mbayev man Ajiir A Lamen A Ior sha Intanet—Vegher 2: Tese Wan Wou Er Nana Er Tom a Intanet sha Inja Yô

•   Mbayev man Hanseeti—Vegher 1: Doo u Wan Wam Una Lu a Hanseeti?

•   Mbayev man Hanseeti—Vegher 2: Tese Mbayev u Eren Tom a Hanseeti sha Kwaghfan

•   Er u Lam a Wan Wou sha Kwagh u Tindin Ior a Ilyoho i Dang Yô