యేసు పేరిట ఎందుకు ప్రార్థించాలి?
బైబిలు ఇచ్చే జవాబు
మనం యేసు పేరిట దేవునికి ప్రార్థించాలి. ఎందుకంటే మనం తనకు దగ్గరవడానికి దేవుడు ఆమోదించిన మార్గం అదొక్కటే. యేసు, “నేనే మార్గమును, సత్యమును, జీవమును; నా ద్వారానే తప్ప యెవడును తండ్రియొద్దకు రాడు” అని చెప్పాడు. (యోహాను 14:6) “మీరు తండ్రిని నా పేరట ఏమి అడిగినను ఆయన మీకు అనుగ్రహించునని మీతో నిశ్చయముగా చెప్పుచున్నాను” అని కూడా యేసు తన నమ్మకమైన అపొస్తలులకు చెప్పాడు.—యోహాను 16:23.
యేసు పేరిట ఎందుకు ప్రార్థించాలనేదానికి మరికొన్ని కారణాలు
మనం యేసును, ఆయన తండ్రైన యెహోవా దేవుణ్ణి ఘనపరుస్తాం.—ఫిలిప్పీయులు 2:9-11.
యేసు మరణం, మనల్ని రక్షించడానికి దేవుడు చేసిన ఏర్పాటని, దాన్ని విలువైనదిగా ఎంచుతున్నామని చూపిస్తాం.—మత్తయి 20:28; అపొస్తలుల కార్యములు 4:12.
దేవునికి, మనుషులకు మధ్యవర్తిగా యేసుకు ఓ ప్రత్యేకమైన స్థానం ఉందని గుర్తిస్తాం.—హెబ్రీయులు 7:25.
మనం దేవుని దగ్గర మంచి పేరు సంపాదించుకోవడానికి, యేసు ఓ ప్రధాన యాజకునిగా మనకు సహాయం చేస్తున్నాడు. ఆయన చేసే ఈ సేవను మనం గౌరవిస్తాం.—హెబ్రీయులు 4:14-16.