Maro ty mieretseretse tie mareke amantaragne ty Fivavahagne Kristiana o lakroa ao. Kristiana zahay Vavolombelo i Jehovah faie tsy mampiasa lakroa naho fa mivavake. Ino ty anto’e?

 Tsy manao izay zahay satria tsy nimate tamy ty lakroa teo ty Jesosy, fa tamy ty hatae mahitsy avao. Mampitao ty Kristiana ka ty Baiboly tie “ilaiso ty fanompoan-tsampy.” Midika zay fa tsy toko’e hampiasaegne amy ty fivavahagne o lakroa ao.​—1 Korintianina 10:14; 1 Jaona 5:21.

 Izao ka ty nirehafe i Jesosy tie: “Naho mifankatea nareo, le izay ty hahafantara ze kila ndaty fa mpianako nareo.” (Jaona 13:34, 35) Trea boake amo o reha i Jesosy iohoe fa ty fifankateavagne ty amantaragne ty tena mpanonjohy ty lia’e, fa tsy ty fampiasagne lakroa ndra sare hafa.