Lee Daniel 9:​1-19 no aprende tanbasá importante atu estuda kleʼan.

Haree didiʼak ba kontestu. Saida mak foin akontese, no oinsá mak neʼe afeta Daniel? (Dan 5:29–6:5) Se Ita mak iha Daniel nia fatin, Ita sei sente oinsá?

Keʼe kleʼan. Saida mak “livru sagradu sira” neʼebé Daniel iha? (Dan 9:​2, nota; w11-IN 1/1 p. 22 par. 2) Tanbasá Daniel fó sai ninia sala no mós nasaun Izraél nia sala? (Lev 26:​39-42; 1 Reis 8:​46-50; dp-IN p. 182-184) Oinsá mak Daniel nia orasaun hatudu katak nia mak ema neʼebé estuda kleʼan Maromak nia Liafuan?—Dan 9:​11-13.

Buka-hatene lisaun sira. Husu Ita-nia an:

• ‘Haʼu bele halo saida atu nuneʼe akontesimentu sira iha mundu la dada haʼu-nia atensaun?’ (Miq 7:7)

• ‘Haʼu sei hetan benefísiu saida hodi estuda kleʼan Maromak nia Liafuan, hanesan buat neʼebé Daniel halo?’ (w04-IN 1/8 p. 12 par. 17)

• ‘Haʼu bele estuda tópiku saida deʼit atu ajuda haʼu “matan-moris nafatin”?’ (Mt 24:​42, 44; w12 15/8 p. 5 par. 7-8)