LISAUN 02
Bíblia fó esperansa kona-ba futuru
Iha mundu tomak ema barak hasoru problema oioin neʼebé halo sira sente triste, laran-taridu, no laran-kanek. Ita hasoru ona situasaun neʼebé halo Ita sente hanesan neʼe ka lae? Karik agora daudaun Ita hasoru susar tanba moras ka ema neʼebé Ita hadomi mate. Dala ruma neʼe halo Ita hanoin, ‘Moris neʼe sei sai diʼak liu ka lae?’ Bíblia fó resposta neʼebé halo Ita sente kmaan.
1. Bíblia fó esperansa saida mai ita?
Bíblia laʼós esplika deʼit tanbasá mundu nakonu ho problema, maibé mós fó liafuan diʼak katak lakleur tan problema sira-neʼe sei lakon. Bíblia nia promesa sira bele ‘fó ita futuru kapás no esperansa’. (Lee Jeremias 29:11, 12.) Promesa sira-neʼe bele ajuda ita tahan hasoru ita-nia problema no sente kontente agora, no mós bele ajuda ita atu hetan kontente neʼebé ba nafatin.
2. Futuru hanesan saida mak Bíblia promete?
Bíblia promete katak iha futuru “mate sei la iha tan, no ema sei la triste tan ka tanis ka sente moras”. (Lee Apokalipse 21:4.) Problema sira hanesan kiak, la iha justisa, moras no mate, halo ema lakon esperansa. Maibé Bíblia promete katak problema sira-neʼe sei la iha tan no ema bele hetan moris haksolok ba nafatin iha mundu paraízu.
3. Saida mak Ita bele halo atu hametin Ita-nia fiar ba esperansa husi Bíblia?
Ema barak hein katak situasaun aat iha mundu sei sai diʼak liu, maibé sira la hatene ho loloos katak neʼe sei akontese duni ka lae. Maibé buat neʼebé Bíblia promete ona sei sai loos. Ita bele hametin ita-nia fiar ba buat neʼebé Bíblia hatete hodi “buka-hatene didiʼak Eskritura”. (Apóstolu 17:11) Nuʼudar Ita estuda Bíblia, Ita rasik bele deside atu tau fiar ba buat neʼebé Bíblia hatete kona-ba futuru.
KEʼE KLEʼAN
Buka-hatene buat balu neʼebé Bíblia promete kona-ba futuru. Haree oinsá esperansa husi Bíblia ajuda ema ohin loron.
4. Bíblia fó esperansa katak ita bele moris ba nafatin no la iha tan susar
Haree toʼok promesa sira neʼebé Bíblia temi iha lista tuirmai. Ita gosta liu promesa kona-ba saida? Tanbasá?
Lee eskritura sira neʼebé temi kona-ba promesa ida-idak, no koʼalia hamutuk kona-ba pergunta tuirmai:
-
Eskritura sira-neʼe fó esperansa ba Ita ka lae? Ita sente neʼe mós bele fó esperansa ba Ita-nia família no belun ka lae?
Imajina katak Ita hela iha mundu neʼebé
|
LA IHA EMA IDA MAK SEI . . . |
EMA HOTU SEI . . . |
|---|---|
|
|
|
|
|
|
|
|
|
|
5. Esperansa husi Bíblia bele ajuda ita
Ema barak sente laran-kraik ka hirus tanba problema neʼebé akontese iha mundu. Ema balu luta makaʼas atu troka situasaun neʼebé la diʼak. Haree oinsá Bíblia nia promesa kona-ba futuru neʼebé kapás ajuda ema ohin loron. Loke VÍDEO, depois koʼalia hamutuk kona-ba pergunta tuirmai.
-
Iha vídeo neʼe, situasaun la justisa saida mak Rafika la gosta atu haree?
-
Maski situasaun la justisa neʼebé nia haree la lakon, oinsá mak Bíblia ajuda nia?
Bainhira ita tau fiar ba Bíblia nia promesa kona-ba futuru, ita bele tahan hasoru sentimentu laran-kraik no bele sente kontente maski hasoru problema. Lee Provérbios 17:22 no Roma 12:12, depois koʼalia hamutuk kona-ba pergunta tuirmai:
-
Tuir Ita-nia hanoin, esperansa husi Bíblia bele ajuda Ita ohin loron ka lae? Tanbasá?
EMA BALU DEHAN: “Buat neʼebé Bíblia promete kona-ba futuru sei nunka akontese.”
-
Tuir Ita-nia hanoin, tanbasá importante atu buka-hatene didiʼak evidénsia katak Bíblia nia promesa sira sei sai loos?
PONTU IMPORTANTE
Bíblia fó ita esperansa no ajuda ita tahan susar sira hodi promete futuru neʼebé lori kontente mai ita.
Rezumu
-
Tanbasá ita ema presiza esperansa?
-
Saida mak Bíblia promete kona-ba futuru?
-
Oinsá mak esperansa kona-ba futuru bele ajuda Ita ohin loron?
BUKA-HATENE LIUTÁN
Aprende liután kona-ba oinsá esperansa bele ajuda ita.
“Iha neʼebé mak ita bele hetan esperansa?” (Matan-moris bá!, 22 Abríl 2004)
Buka-hatene oinsá mak esperansa ba futuru bele ajuda ema neʼebé kona moras todan.
“Moras todan—Bíblia bele ajuda Ita ka lae?” (Informasaun iha jw.org/tdt)
Bainhira Ita haree vídeo múzika neʼe, imajina Ita-nia an no Ita-nia família moris kontente iha Paraízu neʼebé Bíblia promete.
Lee kona-ba oinsá ema neʼebé luta ba direitus umanus no animál nia direitu troka ninia hanoin kuandu nia aprende tiha Bíblia nia esperansa ba futuru.
“Haʼu la sente tan atu hadiʼa situasaun iha mundu neʼe” (Informasaun husi Livru Haklaken)
Karik Ita sei gosta
PERGUNTA SIRA NEʼEBÉ BAIBAIN EMA HUSU
Kursu Bíblia hanesan saida mak Testemuña ba Jeová oferese?
Ita bele uza tradusaun Bíblia naran deʼit atu halaʼo kursu Bíblia interativu ho Testemuña ba Jeová ho gratuitu. Bele mós konvida Ita-nia kolega no família tomak atu estuda hamutuk.
