Mate mak “inimigu” neʼebé halo ema hotu taʼuk. Tan neʼe, ita hakaʼas an atu proteje ita-nia moris. (1 Korinto 15:26) Maibé, taʼuk demais tanba fiar ba hanorin falsu ka istória neʼebé inventa deʼit bele halo ema “sai atan durante sira-nia moris tomak”. (Ebreu 2:​15) Hatene lia-loos sei ajuda ita kontrola ita-nia sentimentu taʼuk mate, tanba sentimentu neʼe bele hanetik ita atu bele moris ho kontente.​—João 8:​32.

Lia-loos kona-ba mate

•   Ema mate la hatene buat ida. (Salmo 146:4) Bíblia dehan katak mate mak hanesan toba-dukur loos. Tan neʼe, Ita la presiza taʼuk katak Ita sei sente terus kuandu mate ona.​—Salmo 13:3; João 11:11-​14.

•   Ema mate labele halo aat mai ita. Ema neʼebé uluk halo hahalok aat mós “la iha kbiit” kuandu sira mate ona. (Isaias 26:14) Bíblia hatete katak “sira-nia odi no sira-nia laran-moras mós lakon mohu ona”.​—Eclesiastes 9:6.

•   Mate laʼós ikus ba buat hotu. Maromak sei halo ema neʼebé mate ona moris fali.​—João 5:​28, 29; Apóstolu 24:15.

•   Maromak promete katak iha futuru “mate sei la iha tan”. (Apokalipse 21:4) Kona-ba tempu neʼe, Bíblia dehan: “Ema laran-loos sira sei simu rai nuʼudar sira-nian, no sira sei moris ba nafatin iha rai”, no ema hotu sei livre husi sentimentu taʼuk mate.​—Salmo 37:29.