APRILI 4, 2024 | HABARI ZIMEONGEZWA: APRILI 9, 2024
URUSI

HABARI ZA KARIBUNI—NDUGU AHUKUMIWA | ‘Jambo Muhimu Ni Kudumisha Urafiki Wangu na Yehova’

CHEZA

Aprili 8, 2024, Mahakama ya Wilaya ya Avtozavodskiy katika mji wa Tolyatti iliyo katika Eneo la Samara ilimhukumu Ndugu Aleksandr Dolganov kifungo cha miaka mitatu gerezani. Alipelekwa gerezani moja kwa moja kutoka mahakamani.

Maelezo Mafupi Kumhusu

Aleksandr Dolganov

Alizaliwa: 1988 (Tolyatti)

Maisha Yake: Alipokuwa mtoto hakupenda kwenda kanisani. Alihudhuria mkutano ya Mashahidi wa Yehova kwa mara ya kwanza akiwa pamoja na mama yake. Kwa kuwa ndugu na dada waliwakaribisha kwa fadhili na alipendezwa na mafundisho ya Biblia aliyosikia, Aleksandr aliomba afundishwe Biblia

Alibatizwa mwaka wa 2000

Alifunga ndoa na Mariya mwaka wa 2017

Maelezo ya Kibinafsi

Umejifunza nini kutokana na mambo uliyopitia?

Nyumba yetu ilipovamiwa, niligundua kwamba ni rahisi kupoteza vitu vyote vya kimwili ndani ya muda mfupi tu. Basi, mimi na mke wangu tumeazimia kwamba hatutakazia fikira au kupoteza wakati kufuatilia mali za ulimwengu huu. Jambo muhimu ni kudumisha urafiki wetu na Yehova na katika undugu wetu wenye upendo. Sasa nimeazimia kabisa kulinda zawadi hizi kutoka kwa Mungu ambazo zitadumu milele.

Kama Aleksandr, sisi pia tunaona ni muhimu kutumia vizuri wakati wetu katika ‘siku hizi zenye uovu.’—Waefeso 5:15, 16.

Mfuatano wa Matukio

Mei 16, 2023

Nyumba ilifanyiwa msako. Aleksandr alipelekwa kuzuizini
Mei 17, 2023

Aliachiliwa kutoka kizuizini na kuwekwa katika kifungo cha nyumbani. Hakuruhusiwa kutumia simu au intaneti
Agosti 10, 2023

Aliachiliwa kutoka katika kifungo cha nyumbani na akawekewa vizuizi vya kusafiri
Novemba 13, 2023

Kesi ya uhalifu ilianza

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI