JANUARI 23, 2024 | HABARI ZIMEONGEZWA: APRILI 18, 2024
HABARI ZA ULIMWENGUNI POTE

HABARI ZA KARIBUNI—NDUGU AHUKUMIWA | “Mambo Yote Yanawezekana kwa Mtu Mwenye Imani”

CHEZA

Aprili 16, 2024 Mahakama ya Wilaya ya Nakhimovskiy iliyo katika mji wa Sevastopol ilimhukumu Ndugu Maksim Zinchenko kifungo cha miaka miwili na kazi ngumu. Atahitaji kukaa gerezani na kufanya kazi alizopangiwa kufanya katika jamii.

Maelezo Mafupi Kumhusu

Maksim Zinchenko

Alizaliwa: 1992 (Ukrainia)

Maisha Yake: Alifanya kazi ya kuchomelea vyuma

Alilelewa katika familia ya Mashahidi wa Yehova. Alibatizwa mwaka 2006

Alifunga ndoa na Karina mwaka 2015

Maelezo ya Kibinafsi

Ni mstari gani wa Biblia ambao umekusaidia?

Moja kati ya mistari ninayopenda sana ni Marko 9:23, inasema hivi kwa sehemu: “Yesu akamwambia: “Mambo yote yanawezekana kwa mtu mwenye imani.” Ninakuwa na ujasiri ninapofikiria maneno hayo. Hivyo, kabla ya kwenda mahakamani na kila mara ninapokuwa na wasiwasi, ninarudia maneno hayo. Pia, ninamwomba Yehova anipe ujasiri. Basi, ninapotoka mahakamani huwa ninastaajabia mambo niliyotimiza kwa msaada wa Yehova. Ninaelewa kwa nini ni muhimu kwangu kuendelea kumkaribia zaidi Yehova kila siku. Nami nina uhakika kwamba maadamu yupo pamoja na mimi, ninaweza kukabiliana na hali yoyote ile itakayonipata.

Tuna uhakika kwamba Yehova atabariki ujasiri na uvumilivu wa Maksim na pia wengine wote wanaoendelea kufanya mapenzi Yake.—Waebrania 10:35, 36.

Mfuatano wa Matukio

Mei 17, 2023

Alishtakiwa kwa madai ya kushiriki utendaji wa shirika lenye msimamo mkali
Mei 22, 2023

Nyumba yake ilifanyiwa msako. Maksim na Karina wakahojiwa. Maksim aliwekwa kizuizini
Mei 24, 2023

Maksim alitolewa kizuizini na kuwekwa kwenye kifungo cha nyumbani
Julai 12, 2023

Kesi ya uhalifu ilianza

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI