I-JW LIBRARY
Titsatsele Tincwadzi Futsi Utihlele Kahle—Windows
Kunemakhulu etincwadzi, etincwajana, emapheshana kanye nema-video longakufundza futsi ukubukele ku-JW Library ungakangeni ku-Internet.
Landzela leticondziso kuze utitsatsele tincwadzi futsi utihlele kahle:
Titsatsele Incwadzi
Ungatitsatsela tincwadzi lotitsandzako utifundzele tona ungakangeni ku-Internet.
Lapha etulu ku-screen, chafata incenye letsi Tincwadzi bese uchafata letsi Tinhlobo kuze ubone luhla lwetincwadzi letitfolakalako.
Vula i-App Commands bar, bese uchafata incenye letsi Tilwimi kuze utfole luhla lwetilwimi lelinaleto tincwadzi. Khetsa lulwimi lolufunako. Tilwimi lovame kutisebentisa titfolakala ekucaleni kwaloluhla. Ungaphindze ufune kuloluhla ngekubhala ligama lelulwimi lolufunako.
Kunetindlela letimbalwa tekutfola tincwadzi kuJW Library.
Lencenye letsi Tinhlobo ikhombisa tincwadzi ngelulwimi lolufunako, letihlelwe ngetinhlobo tato njengeTincwadzi, Emapheshana nobe ema-Video. Nawuchafata letinye taletinhlobo kutawuvela letinye tindlela longakhetsa kuto njengekutsi Sicongosekulindza sivele ngeminyaka nobe tinhlobo tema-Video. Ungachafata incenye letsi Tonkhe Tinhlobo kuze ubuyele ekucaleni kwaloluhla.
Kulencenye letsi Lokusha utfola tincwadzi letisandza kukhululwa ngelulwimi lolufunako.
Chafata incwadzi lofuna kutitsatsela yona.
Tincwadzi losengakatitsatseli tona tibonakala ngesitfombe selifu. Chafata incwadzi lofuna kuyitsatsa. Nasewutitsatsele incwadzi loyifunako, sitfombe selifu bese siyanyamalala. Phindze uchafate lencwadzi kuze uyifundze.
Lencenye letsi Lotitsatsele Kona ikhombisa tonkhe tintfo lotitsatsele tona ngetilwimi letehlukene. Ungaluhlela loluhla ngetincenye letitsi Lokusebenta Njalo, Lokungasebenti Njalo, noma Lokunemtsamo Lomkhulu.
Susa Incwadzi
Ungayisusa incwadzi nangabe ungasayidzingi nobe ufuna sikhala.
Lapha etulu ku-screen, chafata incenye letsi Tincwadzi bese uchafata incenye letsi Tinhlobo kute utfole luhla lwetincwadzi. Yichafate ungayiyekeli incwadzi lofuna kuyisusa. Chafata incenye letsi Susa leku- App Commands bar, bese uyavuma kutsi ufuna kuyisusa lencwadzi.
Nawufuna sikhala, ungasusa tincwadzi longatisebentisi njalo nobe letinemtsamo lomkhulu. Chafata incenye letsi Tincwadzi bese uya kulencenye letsi Lotitsatsele Kona bese uhlela luhla ngalencenye letsi Lokungasebenti Njalo noma Lokunemtsamo Lomkhulu. Susa tincwadzi longasatidzingi.
Tfola Luhlelo Lolutfutfukisiwe Lwencwadzi
Ngekuhamba kwesikhatsi, luhlelo lolutfutfukisiwe lwencwadzi lotitsatsele lona lutawutfolakala.
Incwadzi leneluhlelo lolutfutfukisiwe itawubonakala nge-refresh icon. Nawuchafata leyo ncwadzi utawutfola umlayeto lotsi luhlelo lolutfutfukisiwe seluyatfolakala. Chafata Titsatsele kute utfole luhlelo lolutfutfukisiwe, nobe uchafate Ngalesinye Sikhatsi kute uchubeke ufundza incwadzi lonayo.
Kute ubone kutsi tincwadzi lotitsatsele tona setineluhlelo lolutfutfukisiwe, chafata incenye letsi Tincwadzi. Nangabe kunetincwadzi letifuna kutfutfukiswa, kutawuvela incenye letsi Lokufuna Kutfutfukiswa. Yichafate kuze ubone lonkhe luhla lalokufunwa kutfutfukiswa. Chafata incwadzi kuze uyitfutfukise nobe uchafate incenye letsi Tfutfukisa Konkhe kuze utitsatsele konkhe lokutfutfukisiwe.
Letincenye takhululwa ngaMarch 2015 ku-JW Library 1.4, letihambisana ne-Windows 8.1 nobe yakamuva. Nangabe ungatiboni letincenye, sicela ulandzele ticondziso letisesihlokweni lesitsi “Indlela Yekusebentisa i-JW Library—Windows,” ngaphansi kwencenye letsi Tfola Kwakamuva.
