UMBUTO 9
Kufanele Ngikholelwe Yini Kutsi Imvelo Iyatigukela?
BEWUNGENTA NJANI WENA?
Asewucabange nganasi simo: Sandile udidekile. Abesolo ati kutsi Nkulunkulu ukhona nekutsi tintfo tadalwa nguye. Kodvwa lamuhla thishela wakhe we-biology ugcizelele umbono wekutsi kutigucukela kwemvelo kuliciniso lelitfolakele ngelucwaningo lwabososayensi. Sandile akufuni kubonakala asilima. Utsi ngenhlitiyo, ‘futsi nje nangabe bososayensi bakhandze kutsi kutigucukela kwemvelo kuliciniso, ngingubani nje mine kutsi ngingaphikisana nabo?’
Kube bewunguSandile, bewutayemukela imfundziso yekutigucukela kwemvelo ngobe nje emabhuku esikolwa atsi iliciniso?
CABANGISISA!
Kuto totimbili tinhlangotsi talemphikiswano bantfu bavamise kusheshe basho loko bona labakukholelwako bangati nekwati kutsi yini lebenta bakukholelwe.
-
Labanye bantfu bayakukholelwa kutsi tintfo tadalwa ngobe nguloko labafundziswa kona esontfweni.
-
Labanye bantfu bayakukholelwa kutigucukela kwemvelo ngobe nguloko labafundziswe kona esikolweni.
IMIBUTO LESITFUPHA LONGACABANGA NGAYO
LiBhayibheli litsi: “Tonkhe tindlu tinebakhi bato, kodvwa Nkulunkulu ungumakhi wako konkhe.” (Hebheru 3:4) Uyakukholelwa yini loko?
Kuphetsa ngekutsi kuphila kwativelela akunangcondvo kufanana nekutsi lendlu lena ite umakhi wayo
LOKUSHIWOKO: Konkhe lokukhona emhlabeni kwamane kwativelela nje.
1. Ngubani lowabangela kutsi tintfo titivelele?
2. Ngukuphi lokunengcondvo emkhatsini wekutsi sitsi yonkhe intfo yativelela nekutsi yonkhe intfo yadalwa ngulotsite?
LOKUSHIWOKO: Bantfu bavela etilwaneni.
3. Nangabe vele bantfu bavela etilwaneni, njengasetimfeneni
4. Yini lebangela kutsi ngisho netintfo letincane ekuphileni tibe yinkimbinkimbi ngendlela lemangalisa kangaka?
LOKUSHIWOKO: Kutigucukela kwemvelo kuliciniso lelinebufakazi.
5. Lomuntfu losho njalo utiphenyele yena yini watitfolela lobufakazi?
6. Bangakhi bantfu labakholelwa ekutigucukeleni kwemvelo ngenca nje yekutsi batjelwe kutsi bonkhe bantfu labahlakaniphile nabo bakholelwa kuko?
“Kube bewungahamba ehlatsini bese ubona indlu lenhle, bewungacabanga yini utsi: ‘Hawu! Letihlahla titsite natiwela phansi kwakheka indlu lenhle kangaka.’ Bewungeke! Akunangcondvo kucabanga kanjalo. Kungani-ke kufanele sicabange kutsi yonkhe intfo lekhona emhlabeni yamane nje yativelela?”
—Julia.
“Cabanga ngemuntfu lokutjele kutsi kuchume ibhomu endzaweni yekushicilela nekutsi I-ink isaphateke yagcwala lubondza kanye nakusilingi yabese yakha intfo lefana ne-dictionary lephelele. Bewungakukholwa yini wena loko?”
—Gwen.
KUNGANI KUFANELE UKHOLELWE KUNKULUNKULU?
LiBhayibheli likhutsata kutsi wena kufanele usebentise ingcondvo yakho. (Roma 12:1) Lokusho kutsi kukholelwa kwakho kuNkulunkulu akukafaneli kusekelwe
-
ENDLELENI LOTIVA NGAYO (Ngicabanga kutsi akhona emandla laphakeme kakhulu)
-
KULOKUSHIWO BANTFU (Ngihlala endzaweni lenebantfu benkholo)
-
EKUCINDZETELWENI (Batali bami bangikhulisele kutsi ngikholelwe kutsi kuNkulunkulu ukhona
—Kute lengingakwenta)
Esikhundleni saloko, kufanele ube netizatfu letivakalako taloko lokukholelwako.
“Nangisekilasini ngilalele thishela achaza indlela umtimba wetfu losebenta ngayo, loko kungenta ngingangabati kutsi Nkulunkulu ukhona. Incenye ngayinye yemtimba wetfu inemsebenti wayo, ngisho nalencane kakhulu, futsi lemisebenti yaletincenye temtimba ichubeka isebenta ngisho tsine singakanaki. Nembala, umtimba wemuntfu wentiwe ngendlela lemangalisako!”
—Teresa.
“Nangibuka takhiwo letindze kakhulu, umkhumbi lomkhulu, nome imoto, ngiyatibuta ngitsi ‘engabe kwakhiwa ngubani?’ Kudzinga kuhlakanipha kutsi bantfu bakhe imoto ngobe tinyenti kakhulu tintfo letincane lokufanele tisebente kute imoto ikhone kuhamba. Nangabe timoto tentiwe ngumuntfu, ngako-ke nemuntfu wadalwa ngulotsite.”
—Richard.
“Nangisolo ngichubeka nekufundza tifundvo tesayensi, tincipha kakhulu tintfo letingenta ngikholelwe ekutigucukeleni kwetintfo. . . Ngidzinga kukholwa lokukhulu kute ngikholelwe ekutigucukeleni kwemvelo kunalengikudzingako kute ngikholelwe kumdali.”
—Anthony.
LONGACABANGA NGAKO
Nangetulu kweminyaka leminyenti leyengcile bososayensi basolo baphenyisisa, basengakasitfoli sizatfu bonkhe labavumelana ngaso sekukholelwa ekutigucukeleni kwemvelo. Nangabe bososayensi nabo bangavumelani ngekutigucukela kwemvelo kantsi phela ngibo lababocwephesha bako, kukabi yini kuyingabata imfundziso yabo?
Lokunye Longatsandza Kukuhlola
LOKUSHIWO BONTSANGA
Kunengcondvo Yini Kukholelwa KuNkulunkulu?
Bukela labantfu labasha lababili labancoba kungabata futsi bacinisa kukholwa kwabo.
TINCWADZI NETINCWAJANA
Kwaba Khona Njani Kuphila?
Lokukholelwako ngekutsi kuphila kwacala njani kubalulekile.
