Psalm 83:1-18
Wan singi fu Asaf.
83 Gado, mi e begi yu, no tan tiri.Gado, no tan sondro fu taki wan sani. No tan pî.
2 Bika den feanti fu yu e meki wan lo dyugudyugu.Den wan di e teige yu tyari yu na doro-ai.*
3 Na wan triki fasi den e meki mofo fu du ogri nanga yu pipel.Den e meki mofo fu du ogri nanga a pipel di yu lobi.*
4 Den sma disi e taki: „Kow wai a pipel disi puru na pasi.Dan nowan sma o memre a nen fu Israel moro.”
5 Den e taki fu a tori èn den agri fu du na ogri disi.*Den span anu* fu opo densrefi teige yu.
6 Iya, den sma di e libi na ini den tenti fu Edom, den Ismaelsma, den Moabsma, den Hagarsma,
7 den Geibalsma, den Amonsma, den Amalèksma,den Filisteasma nanga den sma di e libi na Tirus opo densrefi teige yu.
8 Srefi den Asiriasma span anu makandra nanga den.Den e horbaka* gi den bakapkin fu Lot. (Sela)
9 Du a srefi sani nanga den di yu ben du nanga den Midiansma,nanga Sisera èn nanga Yabin di den ben de na a lagipresi pe Kison-liba e lon.
10 Yu kiri den alamala na En-Dor.Den kon tron mest gi a gron.
11 Meki den heihei man fu den kondre disi kon de leki Oreb nanga Seyebèn meki den granman* fu den kon de leki Seiba nanga Salmuna.
12 Den man disi taki: „Meki wi teki a kondre abra pe Gado e tan.”
13 Mi Gado, meki den kon tron leki drei grasi di wan draiwinti e opo tyari gwe,iya, leki drei aleisitiki di winti e wai gwe.
14 Neleki fa wan faya e bron wan busi,iya, neleki fa wan faya e bron bergi teleki den kon blaka,
15 na so yu musu hari go na den baka nanga a bigi draiwinti fu yu.Meki a tranga winti fu yu meki den kon frede.
16 Lagi den feanti.Meki den gi yu nen grani, Yehovah.
17 Meki den kisi syen èn meki den frede fu ala ten.Iya, meki den fesi fadon èn kiri den.
18 Na so sma o sabi taki yu di nen Yehovah,yu w’wan na a Moro Heiwan fu heri grontapu.
Futuwortu
^ Hebrewtongo: „opo den ede”.
^ Hebrewtongo: „a pipel di yu kibri”.
^ Noso: „Nanga wán ati den e taki san den o du”.
^ Noso: „Den meki wan ferbontu”.
^ Hebrewtongo: „Den tron wan anu”.
^ Noso: „fesiman”.
