Psalm 119:1-176
-
Warderi Gado Wortu di de leki wan gudu
-
’Fa yonguwan kan libi wan krin libi?’ (9)
-
„Mi lobi den sani di yu e leri mi” (24)
-
„Mi lobi a wet fu yu srefsrefi!” (97)
-
’Mi e ferstan sani moro krin leki ala den leriman fu mi’ (99)
-
„Yu wortu na wan lampu gi mi futu” (105)
-
„Ala sani di yu e taki tru” (160)
-
Den sma di lobi Gado wet o abi freide (165)
-
א [Alef]
119 Koloku fu den sma di e libi soleki fa Gado wani.*Iya, koloku fu den sma di e du san a wet fu Yehovah e taki.
2 Koloku fu den sma di e du san a takièn di e suku en nanga den heri ati.
3 Den no e du nowan kruktu sani.Den e du san Gado taigi den.
4 Gado na yu taigi wi fu du ala san yu wet e taki.
5 Mi winsi taki mi ben kan tan hori misrefi na den wet fu yu!
6 Dan mi no ben o firi syente mi e poti prakseri na ala den wet fu yu.
7 Mi o prèise yu nanga wan krin atite mi kon sabi fa yu koti krutu na wan reti fasi.
8 Mi o tan hori den wet fu yu.
Mi e begi yu fu no gwe libi mi noiti.
ב [Bet]
9 Fa wan yonguman kan libi wan krin libi?
Soso te a e tan na ai èn te a e du san yu wortu e taki.
10 Nanga mi heri ati mi e suku yu.
No meki mi gwe libi den wet fu yu.
11 Mi kibri den sani di yu taigi mi leki wan gudu na ini mi ati,so taki mi no sondu teige yu.
12 Meki sma prèise yu, Yehovah.Leri mi den wet fu yu.
13 Nanga mi mofobuba mi e ferteri smafu a fasi fa yu koti krutu.
14 Mi breiti taki yu e memre mi na den wet fu yu.Mi breiti nanga den moro leki iniwan tra gudu di mi abi.
15 Mi o denki dipi fu* den wet fu yu.Iya, mi ai o de tapu den pasi fu yu.
16 Mi lobi den wet fu yu.
Mi no o fergiti san yu taki.
ג [Gimel]
17 Du bun gi a futuboi fu yu,so taki mi kan tan na libi èn mi kan du san yu taki.
18 Opo mi ai, so taki mi kan si krinsortu moi sani skrifi na ini yu wet.
19 Mi e firi leki mi na wan trakondre sma na ini a kondre disi.
No kibri den wet fu yu gi mi.
20 Ala ten mi e angri fu kon sabi den besroiti fu yu.
21 Yu e pir’ai gi den heimemre sma,den ferfruktu sma di no e hori densrefi na a wet fu yu.
22 Puru syen nanga spotu na mi tapu,*bika mi du san yu taigi mi.
23 Srefi te heihei man kon makandra fu taki fa den kan du mi ogri,mi e denki dipi fu* den wet fu yu.
24 Mi lobi den sani di yu e leri mi.Gi mi, den de leki sma di e gi mi rai.
ד [Dalet]
25 Mi brokosaka so te, taki mi d’don na gron.
Hori mi na libi soleki fa yu ben pramisi.
26 Mi ferteri yu ala san mi du èn yu gi mi rai.Leri mi den wet fu yu.
27 Meki mi ferstan den wet fu yu,so taki mi kan denki dipi fu* den moi sani di yu du.
28 Mi ben e sari so te, taki mi no ben man sribi.
Gi mi krakti soleki fa yu ben pramisi.
29 Grantangi, yepi mi fu mi no kori tra sma.Du bun gi mi èn meki mi kon sabi a wet fu yu.
30 Ala ten mi o du san yu taki.
Mi sabi taki den besroiti fu yu bun.
31 Mi e tan du den sani di yu leri mi.
Tye Yehovah, no meki mi kisi syen.
32 Mi o prisiri fu hori den wet fu yu,bika yu opo mi ati fu ferstan den.
ה [He]
33 Yehovah, leri mi den wet fu yu,so taki mi kan hori den te na a kba.
34 Meki mi ferstan a wet fu yu,so taki mi kan hori enèn mi kan du san a wet e taki nanga mi heri ati.
35 Grantangi, yepi mi fu hori den wet fu yu,bika mi lobi den.
36 Yepi mi fu du san yu leri mi.No meki mi suku wini nomo gi misrefi.
37 No meki mi ai luku sani di no abi nowan waarde.Yepi mi fu waka a pasi fu yu, so taki mi kan tan na libi.
38 Du den sani di yu pramisi* yu futuboi,so taki sma kan kisi bigi lespeki gi yu.
39 Den besroiti fu yu bun.Dati meki mi e begi yu fu no meki sma spotu mi, bika mi frede a sani dati srefsrefi.
40 Luku fa mi e angri fu yere den wet fu yu.
Hori mi na libi, bika yu na wan Gado fu retidu.
ו [Waw]
41 Yehovah, mi e begi yu fu sori mi bun-ati.*Ferlusu mi soleki fa yu ben pramisi.*
42 Na so mi kan piki den wan di e kosi mi,bika mi sabi taki den sani di yu pramisi, o kon tru.
43 Mi e begi yu fu yepi mi fu tan taki san tru,bika na yu mi e wakti fu koti krutu gi mi.
44 Mi o tan du san a wet fu yu e taki.Mi o du dati fu ala ten, iya, fu têgo.
45 Awinsi pe mi e go nowan ogri o miti mi,fu di mi e meki muiti fu kon sabi den wet fu yu.
46 Te mi de na fesi kownu mi o ferteri den fu den wet fu yu.Mi no o syen.
47 Mi breiti nanga den wet fu yu,iya, mi lobi den.
48 Mi o opo mi anu go na loktu fu begi yu, fu di mi lobi den wet fu yu.Mi o denki dipi fu* den wet fu yu.
ז [Sayin]
49 Memre den sani di yu taigi* a futuboi fu yu.Iya, na den sani dati ben gi mi howpu.*
50 Na den sani disi e trowstu mi te mi de na nowtu.Na den sani di yu taki hori mi na libi.
51 Awinsi fa den heimemre sma e spotu mi,tòg mi no e gwe libi a wet fu yu.
52 Yehovah, mi e memre a fasi fa yu koti krutu na ini owruten.Na dati e trowstu mi.
53 Mi ati e bron srefsrefi nanga den ogrismadi gwe libi a wet fu yu.
54 Awinsi pe mi go tan,*den wet fu yu de leki poku gi mi.
55 Yehovah, na netiyuru mi e prakseri a nen fu yu,so taki mi kan hori a wet fu yu.
56 Mi tan du a sani disi,bika mi wani du san yu wet e taki.
ח [Het]
57 Yehovah, yu na a gudu fu mi.Mi pramisi fu du san yu taki.
58 Mi e begi yu nanga mi heri ati.Du bun gi mi soleki fa yu ben pramisi.*
59 Mi ondrosuku a libi fu mi,so taki mi kan du baka san yu leri mi.
60 Mi e du es’esi,iya, mi no e draidrai fu hori den wet fu yu.
61 Den ogrisma tai mi hori nanga den t’tei fu den,ma tòg mi no fergiti a wet fu yu.
62 Mindrineti mi e opo fu taki yu tangifu di yu e koti krutu na wan reti fasi.
63 Mi na wan mati fu ala den sma di abi bigi lespeki gi yuèn fu den sma di e du san yu taki.
64 Yehovah, a bun-ati* fu yu de fu si na heri grontapu.Leri mi den wet fu yu.
ט [Tet]
65 Yehovah, yu du bun gi a futuboi fu yu,soleki fa yu ben pramisi.
66 Leri mi fa fu gebroiki mi ferstan èn fa fu waka nanga koni,bika mi e fertrow den wet fu yu.
67 Fosi, mi ben e sondu sondro fu mi sabi èn dati meki ogri ben e miti mi.Ma now mi e du san yu taki.
68 Yu na wan bun Gado èn yu e du bun tu.
Leri mi den wet fu yu.
69 Den heimemre sma lei gi mi fu gi mi pornen.Ma nanga mi heri ati mi e du san yu taki.
70 Na ati fu den kon tranga leki ston.*Ma mi lobi a wet fu yu.
71 A bun gi mi taki sma pina mi.Na so mi kan kon sabi den wet fu yu.
72 A wet di kmoto na ini yu mofo bun gi mi,moro leki dusundusun pisi gowtu nanga solfru.
י [Yod]
73 Yu meki mi nanga yu eigi anu. Iya, na yu anu meki mi leki fa mi de.
Yepi mi fu kisi ferstan,so taki mi kan leri den wet fu yu.
74 Den sma di abi bigi lespeki gi yu e si mi èn den e prisiri,bika a wortu fu yu e gi mi howpu.*
75 Yehovah, mi sabi taki yu e koti krutu na wan reti fasièn taki yu pir’ai gi mi fu mi eigi bun.*
76 Mi e begi yu, meki a bun-ati* fu yu trowstu mi,soleki fa yu ben pramisi* a futuboi fu yu.
77 Abi sar’ati nanga mi, so taki mi kan tan na libi,bika mi lobi a wet fu yu.
78 Meki den heimemre sma kisi syen,bika den no libi bun nanga mi aladi mi no du den noti.
Ma mi o denki dipi fu* den wet fu yu.
79 Meki den sma di abi bigi lespeki gi yu drai kon baka na mi,iya, ala den sma di sabi den wet fu yu.
80 Yepi mi fu hori ala den wet fu yu,so taki mi no kisi syen.
כ [Kaf]
81 Mi e angri fu yu ferlusu mi.A wortu fu yu e gi mi howpu.*
82 Mi e angri fu si fa den pramisi fu yu o kon tru.Mi e aksi misrefi: „O ten yu o trowstu mi?”
83 Mi de leki wan lerisaka* di kon drei fu di a ben anga na ini smoko.Ma mi no fergiti den wet fu yu.
84 O langa a futuboi fu yu musu wakti?
O ten yu o strafu den sma di e suku fu du ogri nanga mi?
85 Den heimemre sma di no e hori a wet fu yudiki olo fu meki mi fadon go na ini.
86 Ala den wet fu yu de fu fertrow.
Mi no du noti, ma sma e du ogri nanga mi. Grantangi yepi mi!
87 Bijna den kiri mi puru na grontapu.Ma noiti mi gwe libi den wet fu yu.
88 Yu na wan Gado di e sori sma bun-ati.*Grantangi, hori mi na libi so taki mi kan tan du den sani di yu leri mi.
ל [Lamed]
89 Yehovah, neleki fa hemel e tan fu ala ten,na so den sani di yu e taki o tan fu ala ten.
90 Ala ten yu e du san yu pramisi.
Yu poti grontapu steifi na en presi, so taki a kan tan tnapu.
91 Te na a dei fu tide hemel nanga grontapu de ete, soleki fa yu ben besroiti,bika den alamala na yu futuboi.
92 Efu mi no ben lobi a wet fu yu,dan mi ben o pina teleki mi dede.
93 Noiti mi o fergiti den wet fu yu,bika nanga den wet disi yu hori mi na libi.
94 Mi na fu yu. Mi e begi yu, ferlusu mi,bika mi du muiti fu hori den wet fu yu.
95 Den ogrisma wani kiri mi.Ma mi e poti prakseri na den sani di yu leri mi.
96 Mi kon si taki furu sani de di bun srefsrefi,ma den wet fu yu bun moro ala den sani disi.*
מ [Mem]
97 Mi lobi a wet fu yu srefsrefi!
Heri dei mi e denki dipi fu* en.
98 Den wet fu yu e meki mi koni moro den feanti fu mi,fu di mi e poti prakseri na den ala ten.
99 Mi kon ferstan sani moro krin leki ala den leriman fu mi,bika mi e denki dipi fu* den wet fu yu.
100 A fasi fa mi e tyari misrefi e sori taki mi abi moro ferstan leki den man di grani kba,fu di mi e du san yu e taigi mi fu du.
101 Mi no wani abi notnoti fu du nanga ogri,so taki mi kan tan du san yu taki.
102 Mi no e gwe libi den wet fu yu,bika na yu ben gi mi leri.
103 Den sani di yu e taki switi gi mi.Iya, den switi moro oni na ini mi mofo!
104 Na den wet fu yu e meki mi tyari misrefi na wan koni fasi.
Dati meki mi no wani abi noti fu du nanga ogridu.
נ [Nun]
105 Yu wortu na wan lampu gi mi futuèn wan leti na tapu mi pasi.
106 Mi meki wan sweri èn mi o du san mi sweri fu du.Iya, mi o hori den wet fu yu di reti.
107 Sma pina mi srefsrefi.
Tye Yehovah, hori mi na libi soleki fa yu ben pramisi.
108 Yehovah, mi e begi yu, prisiri nanga den ofrandi* di mi e tyari fu di misrefi wanièn leri mi den wet fu yu.
109 Ala leisi baka sani e psa di kan meki mi lasi mi libi.Tòg mi no fergiti a wet fu yu.
110 Den ogrisma seti wan val gi mi,ma mi no gwe libi den wet fu yu.
111 Ala ten mi e si den sani di yu leri mi leki wan gudu,*bika den e meki mi ati prisiri.
112 Mi teki a besroiti fu hori den wet fu yu.Mi o du dati mi heri libi langa, iya, teleki mi dede.
ס [Samek]
113 Mi no lobi den sma di no e dini yu nanga den heri ati.*Ma mi lobi a wet fu yu.
114 Yu na mi kibripresi nanga mi schild.A wortu fu yu e gi mi howpu.*
115 Un ogrisma, un tan farawe fu mi,so taki mi kan hori den wet fu mi Gado.
116 Mi Gado, horbaka gi mi leki fa yu ben pramisi* mi,so taki mi kan tan na libi.Mi e fertrow na yu tapu. Mi e begi yu, no meki mi kisi syen.
117 Horbaka gi mi, so taki mi kan kisi ferlusu.Dan ala ten mi o poti prakseri na den wet fu yu.
118 Yu e drai baka gi ala den sma di no e hori densrefi na den wet fu yu,fu di den e lei èn den e kori sma.
119 Yu e figi ala den ogrisma fu grontapu puru leki fa wan sma e figi doti* puru.
Na fu dati ede mi lobi den sani di yu leri mi.
120 Fu di mi e frede yu, meki mi skin e beifi.A fasi fa yu e koti krutu e meki mi kisi bigi lespeki gi yu.
ע [Ayin]
121 Mi du san bun èn mi du san reti.
No libi mi gi den sma di e pina mi!
122 Horbaka gi a futuboi fu yu, so taki sani kan waka bun gi en.No meki den sma di abi bigifasi pina mi.
123 Mi wakti so langa fu si a ferlusu fu yu èn fu si fa den pramisi fu yu o kon tru.Iya, mi wakti so langa taki mi ai kon weri.
124 Sori a futuboi fu yu taki yu lobi* en.Leri mi den wet fu yu.
125 Mi na yu futuboi. Yepi mi fu kisi ferstan,so taki mi kan sabi den wet fu yu.
126 A ten doro gi Yehovah fu du wan sanifu di sma trangayesi a wet fu en.
127 Na fu dati ede mi lobi den wet fu yumoro leki gowtu, iya, moro leki soifri gowtu.
128 Dati meki mi e si ala den rai fu yu leki bun rai.Mi no wani abi noti fu du nanga ogridu.
פ [Pe]
129 Den wet fu yu bun srefsrefi.
Dati meki mi e hori den.
130 Te yu e tyari den wortu fu yu kon na krin, dan dati e tyari leti kon.Den e meki den sma di no abi ondrofeni kisi ferstan.
131 Mi e angri so te fu yere den wet fu yu,taki mi mofo e lon watra.
132 Poti prakseri na mi èn du bun gi mi.Koti krutu gi mi leki fa yu e koti krutu gi sma di lobi yu nen.
133 Sori mi nanga yu wortu pe mi musu waka.No meki nowan ogri basi mi.
134 Ferlusu mi fu iniwan sma di e pina mi,dan mi o hori den wet fu yu.
135 Du bun gi a futuboi fu yu.Leri mi den wet fu yu.
136 Mi ai e lon watra,fu di sma no e du san a wet fu yu e taki.
צ [Tsade]
137 Yehovah, yu na wan Gado fu retidu.Ala ten yu e krutu sani na wan reti fasi.
138 Den sani di yu e leri wi bun ala tenèn den de fu fertrow.
139 Mi de fayafaya fu du a wani fu yu,fu di den feanti fu mi no e du san yu taki.
140 Den sani di yu e taki de soifrièn a futuboi fu yu lobi den.
141 Mi no prenspari èn sma e wiswasi mi.Tòg mi no fergiti den wet fu yu.
142 A retidu fu yu e tan fu ala tenèn a wet fu yu de tru.
143 Mi ben bruya èn mi ben abi furu problema,ma tòg den wet fu yu tan gi mi prisiri.
144 Den wet fu yu reti ala ten.
Yepi mi fu ferstan den, so taki mi kan tan na libi.
ק [Kof]
145 Nanga mi heri ati mi e kari yu. Yehovah, mi e begi yu, piki mi.
Mi o hori misrefi na den wet fu yu.
146 Mi e kari yu. Ferlusu mi!
Mi o du san yu leri mi.
147 Fosi deibroko mi opo èn mi bari kari yu fu yepi mi.Bika yu wortu e gi mi howpu.*
148 Mindrineti mi wikifu denki dipi fu* den sani di yu taki.
149 Mi e begi yu fu arki mi sten, fu di yu e sori sma bun-ati.*
Yehovah, hori mi na libi, bika yu e koti krutu na wan reti fasi.
150 Den sma di e du ogri sondro fu syen* e kon krosbei fu mi fu du mi ogri.Den gwe libi den wet fu yu.
151 Yehovah, yu de krosbei fu mièn ala den wet fu yu de tru.
152 Sensi ten mi leri taki yu seti den wet fu yu fu tan fu ala ten.ר [Resj]
153 Luku fa mi e pina èn ferlusu mi,bika mi no fergiti a wet fu yu.
154 Opo taki gi mi èn ferlusu mi.Hori mi na libi soleki fa yu ben pramisi.*
155 Den ogrisma no o kisi ferlusu,bika den no du muiti fu du san den wet fu yu e taki.
156 Yehovah, yu na wan Gado di abi furu sar’ati.
Hori mi na libi, bika yu e koti krutu na wan reti fasi.
157 Den sma di e suku fu du ogri nanga mi èn den feanti fu mi furu srefsrefi.Ma tòg mi e tan du san yu leri mi.
158 Den sma di e bedrigi trawan mi no wani si na ai srefsrefi,bika den no e du san yu taki.
159 Luku fa mi lobi den wet fu yu!
Yehovah, yu na wan Gado di e sori sma bun-ati.* Grantangi, hori mi na libi.
160 Ala sani di yu e taki tru.Ala den besroiti di yu teki de reti èn den e tan fu ala ten.
ש [Sin noso Syin]
161 Den heihei man e suku fu du ogri nanga mi, aladi mi no du noti.Ma mi abi bigi lespeki gi den sani di yu taki.
162 Neleki fa wan sma e prisiri te a feni furu gudu,na so mi e prisiri nanga den sani di yu taki.
163 Mi no lobi te sma e lei. Mi e teige a sani dati.Mi lobi a wet fu yu.
164 Seibi tron wan dei mi e prèise yu,fu di yu e koti krutu na wan reti fasi.
165 Den sma di lobi yu wet o abi furu freide.Noti o meki den fadon.
166 Yehovah, mi e wakti yu fu ferlusu mi.Mi e hori misrefi na den wet fu yu.
167 Mi e du den sani di yu leri mi.Mi lobi den srefsrefi.
168 Mi e hori den wet fu yu èn mi e du san yu leri mi,bika yu e si ala san mi e du.
ת [Taw]
169 Tye Yehovah, yere fa mi e kari yu fu yepi mi.
Meki yu wortu yepi mi fu ferstan sani.
170 Arki mi te mi e begi yu fu du bun gi mi.
Ferlusu mi, soleki fa yu ben pramisi.*
171 Ala ten mi o prèise yu,bika yu e leri mi den wet fu yu.
172 Meki mi mofo singi fu den sani di yu taki,bika ala den wet fu yu bun.
173 Mi e begi yu, langa yu anu fu yepi mi,bika mi wani hori misrefi na den wet fu yu.
174 Yehovah, mi e angri fu yu ferlusu mi.Mi lobi a wet fu yu.
175 Hori mi na libi, so taki mi kan prèise yu.Meki den besroiti fu yu yepi mi.
176 Mi waka lontu leki wan lasi skapu. Mi e begi yu fu suku mi, a futuboi fu yu,bika mi no fergiti den wet fu yu.
Futuwortu
^ Noso: „na wan reti fasi”.
^ Noso: „ondrosuku”.
^ Hebrewtongo: „Lolo syen nanga spotu puru na mi tapu”.
^ Noso: „ondrosuku”.
^ Noso: „ondrosuku”.
^ Noso: „taigi”.
^ Noso: „taki”.
^ Noso: „ondrosuku”.
^ Noso: „pramisi”.
^ Noso: „Iya, na den sani dati yu ben meki mi wakti”.
^ Noso: „Na ini na oso pe mi e tan leki wan trakondre sma”.
^ Noso: „taki”.
^ Hebrewtongo: „Na ati fu den no abi firi, neleki fatu”.
^ Noso: „mi e wakti yu wortu”.
^ Hebrewtongo: „pir’ai gi mi fu di yu de fu fertrow”.
^ Noso: „taigi”.
^ Noso: „ondrosuku”.
^ Noso: „Mi e wakti yu wortu”.
^ Disi na wan saka fu metibuba pe sma ben e gwenti poti watra na ini.
^ Hebrewtongo: „bradi srefsrefi”.
^ Noso: „ondrosuku”.
^ Noso: „ondrosuku”.
^ Hebrewtongo: „den ofrandi fu mi mofo”.
^ Noso: „Mi e si den rai fu yu leki wan têgo gudu”.
^ Noso: „sma di ati prati”.
^ Noso: „Mi e wakti yu wortu”.
^ Noso: „taigi”.
^ A Hebrew wortu di vertaal nanga „doti” abi fu du nanga a doti di sma e puru na ini gowtu noso solfru di smèlter.
^ Noso: „mi e wakti yu wortu”.
^ Noso: „ondrosuku”.
^ Noso: „morsu sani”.
^ Noso: „taki”.
^ Noso: „taki”.
