Termi grek që në Bibël ndonjëherë përkthehet «kishë», i referohet një grupi adhuruesish e jo ndërtesës ku mblidhen.

 Ja një shembull: kur apostulli Pavël u shkroi të krishterëve në Romë, i dërgoi të fala një çifti, Akuilës dhe Prishilës, dhe më pas shtoi: «I bëni të fala edhe kishës që është në shtëpinë e tyre.» (Romakëve 16:​5, Diodati i Ri) Pavli këtu nuk po i bënte të fala ndërtesës, por njerëzve, domethënë kongregacionit që mblidhej në atë shtëpi. a

 Prandaj, në vend që ta quajmë kishë vendin ku mblidhemi, përdorim emrin «Sallë Mbretërie».

 Ky emër është më se i përshtatshëm për një sërë arsyesh:

•   Ndërtesa është një sallë ose vend mbledhjesh.

•   Mblidhemi për të adhuruar Jehovain, Perëndinë e Biblës, dhe për të dhënë dëshmi për të.​—Psalmi 83:18; Isaia 43:12.

•   Mblidhemi edhe për të mësuar për Mbretërinë e Perëndisë, për të cilën foli shpesh Jezui.​—Mateu 6:​9, 10; 24:14; Luka 4:43.

 Të ftojmë të vizitosh një prej këtyre Sallave të Mbretërisë në zonën tënde dhe të shohësh me sytë e tu se si mbahet një mbledhje e Dëshmitarëve të Jehovait.