Vullnetaret po shkriftojnë dheun që të mbjellin barin. Në sfond shihen godinat e banimit A dhe B.

Prapa godinës së zyrave në Çelmsford ndodhet një liqen i vogël artificial i zbukuruar. Bashkë me disa liqene të tjera formojnë një sistem ekologjik drenazhimi të projektuar për të imituar drenazhimin natyral. Ky sistem përmirëson cilësinë e ujit, pakëson rrezikun e përmbytjeve dhe zbukuron ambientin për njerëzit e kafshët.

Një çift nga skuadra e marangozëve po montojnë panele ndarëse për zyrat e reja.

Duke përdorur një nivelues me lazer, një vullnetare e skuadrës së arkitektëve po vendos një tabelë te dera e parukerisë.

Një marangoz vendos tabelat drejtuese me ndihmën e një niveluesi. Këto tabela ndihmojnë banorët dhe vizitorët të orientohen ndërsa lëvizin në këtë pronë 34-hektarëshe.

Një punonjës i shërbimit zjarrfikës në atë zonë po kontrollon presionin e ujit të një hidranti.

Një anëtar i Komitetit të Projektit të Ndërtimit duke mbajtur një adhurim mëngjesi që u transmetua nëpërmjet internetit edhe për familjen Bethel në Londër. Ndërkohë u testuan edhe sistemet audio-video të degës së re.

Një elektricist instalon një semafor në hyrje të një zone ku kontrollohen hyrje-daljet.

Dy vullnetare po zhveshin kabllot që të marrin bakrin për riciklim.

Një ciceron në Qendrën e Vizitorëve përshkruan projektin e degës së re. Mbi 95.000 vizitorë shkuan për të parë godinat gjatë ndërtimit.

Një anëtar i Komitetit të Degës së Britanisë i drejtohet skuadrës së ndërtimit në mbledhjen e fundit mujore, para se godinat të kalonin nën kujdesin e reparteve të Bethelit. Mbi 11.000 vullnetarë kanë dhënë nga koha dhe energjitë e tyre për këtë projekt.

Skuadra Rajonale e Videos dhe Reparti Vendës i Broadcasting po stërviten për të përdorur pajisjet në studiot e reja. Ata kanë veshur qese blu për këmbët që të mos dëmtojnë zonat e përfunduara.

Vullnetarët po përhapin rërë të tharë në furrë për të mbushur fugat midis pllakave. Kështu përfundojnë rrugën e automjeteve për te godina e zyrave.

Një mekanik po i bën ca shërbime një furgoni në ofiçinën e re. Meqë tani të gjitha godinat e degës janë në të njëjtin vend, familja Bethel nuk ka më nevojë për kaq shumë furgonë për të shkuar e për t’u kthyer nga puna çdo ditë. Automjetet që nuk përdoren më, tani mund të shiten. Në sfond duket një makinë që skuadra e mirëmbajtjes e përdor në ambientet e jashtme.

Disa vëllezër po shkarkojnë gjërat personale të një betheliti. Një skuadër prej 27 vetash ka ndihmuar bethelitët për transferimin gjatë muajve janar dhe shkurt. Në fillim të marsit, e gjithë familja Bethel ishte transferuar dhe kishte filluar punën në degën e re.

Kuzhina përgatit sallatë për familjen Bethel.

Një kamion po transporton banesat e përkohshme që tashmë janë shitur. Në këto banesa, që ndodheshin shumë afër degës së re, u strehuan vullnetarët që punuan në këtë projekt. Ato ishin pjesë e një plani për të pakësuar emetimin e dyoksidit të karbonit gjatë këtij projekti. Ky plan u konsiderua si novator nga BREEAM, standardi më i lartë në nivel botëror për godinat ekologjike. Në sfond duken godinat e reja të banimit.

Pjesëtarë të skuadrës së përkthimit vendosin një studio që izolon zhurmat për regjistrimet audio. Kjo studio ka disa pajisje ekstra, ndryshe nga zyrat e zakonshme të përkthimit që kanë pajisjet bazë. Ajo është në dispozicion për skuadrat e gjuhëve vendëse që punojnë në degën e Britanisë, të tilla si gjuha irlandeze dhe galike skoceze.

Një vëlla nga Reparti Vendës i Projektim-Ndërtimit flet nëpërmjet videokonferencës me një përfaqësues të këtij reparti jashtë Bethelit që punon për zonën juglindore të Anglisë. Ata komunikojnë rregullisht me degën për çështje që lidhen me ndërtimin dhe mirëmbajtjen e Sallave të Mbretërisë. Në sfond, pjesëtarët e tjerë të repartit diskutojnë për sistemet e ngrohjes dhe të ajrimit për Sallat e reja ose të rinovuara.

Vullnetarët e jashtëm në Bethel mbërrijnë në recepsion para se të ndjekin një mbledhje mirëseardhjeje dhe t’u tregohet në cilin repart janë caktuar. Kur dega e Britanisë nisi të punonte në Çelmsford, punën e familjes Bethel e mbështetnin gati 500 vullnetarë të jashtëm. Në sfond, teknikët testojnë dhe rregullojnë ekranet e televizorëve që do të jenë pjesë e ekspozitës për vizitorët.