Mwari Anoti Kudii Panyaya Yekubheja?
Mhinduro yeBhaibheri
Kunyange zvazvo Bhaibheri risina parinonyatsotaura nezvekubheja, kana tikaongorora zvarinotaura tinogona kuona kuti munhu anenge achiita zvekubheja anenge achiita chivi pamberi paMwari.—VaEfeso 5:17. a
Makaro ndiwo anoita kuti munhu ade kubheja, uye Mwari anovenga makaro. (1 VaKorinde 6:9, 10; VaEfeso 5:3, 5) Munhu anobheja anenge achitarisira kuti dai vamwe vakaruza iye ahwine. Bhaibheri rinoshora kuchochora zvinhu zvemumwe munhu.—Eksodho 20:17; VaRoma 7:7; 13:9, 10.
Kubheja uchida kuhwina kunyange kamari kashoma, kunogona kuzoita kuti upedzisire wava kuda mari zvakanyanya.—1 Timoti 6:9, 10.
Kakawanda kacho vanhu vanobheja vanotenda mashura kana kuti vanoti dai vakaita mhanza yakanaka vakahwina. Asi Mwari anoona zvinhu zvakadaro sekutonamata zvidhori, uye haafariri zvinhu zvakadaro.—Isaya 65:11.
Bhaibheri rinokurudzira kushanda nesimba, kwete kuti munhu angowana zvinhu zvaasina kushandira. (Muparidzi 2:24; VaEfeso 4:28) Vaya vanoteerera zano iroro reBhaibheri ‘vanodya zvokudya zvavanozvishandira.’—2 VaTesaronika 3:10, 12.
Kubheja kunoita kuti munhu atange kuita makwikwi, nepo Bhaibheri richitoshora kuita zvemakwikwi.—VaGaratiya 5:26.
a MuBhaibheri, panonyatsotaurwa nezvekubheja ndepaya apo masoja eRoma akakanda mijenya, kana kuti “akabheja,” kuti aone kuti ndiani aizotora hembe yaJesu.—Mateu 27:35; Johani 19:23, 24; Contemporary English Version; Good News Translation.
Zvimwe Zvaunogona Kufarira
MIBVUNZO YEBHAIBHERI INOPINDURWA
Matambudziko Emari Uye Zvikwereti—Bhaibheri Rinogona Kubatsira Here?
Mufaro hautengwi nemari, asi mazano mana anodzidziswa neBhaibheri anogona kukubatsira pakushandisa mari.
DZIMWE NYAYA
Zvaungaita Kuti Usanyanya Kuzvidya Mwoyo
Mazano api nemavhesi eBhaibheri anogona kukubatsira kuti usazvidya mwoyo?
NEZVEDU
Kumbira Kushanyirwa
Unogona kukurukura nesu kana uine mubvunzo wauinawo une chekuita neBhaibheri kana kuti kana paine zvaunoda kuziva nezveZvapupu zvaJehovha.