Isaia 42:1-25
42 Faauta! O laʻu auauna+ ua ou lagolagoina!
O lē ua ou filifilia,+ o lē foʻi ua fiafia i ai loʻu loto!+
Ou te tuuina atu loʻu agaga iā te ia.+O le a ia aumaia le faamasinotonu i nuu.+
2 E lē alaga atu o ia pe leotele atu,Ma e lē faalogoina foʻi lona leo i le ala tele.+
3 O le a ia lē gausia le ū ua nutililiia,O le a ia lē tineia fo‘i le vavae ua mū itiiti.+
O le faamaoni o le a ia faia ai le faamasinotonu.+
4 O le a lē mū itiiti o ia pe nutililiia seʻia faatūina e ia le faamasinotonu i le lalolagi;+Ma e faatalitali foʻi motu i lana tulafono.*
5 O le mea lenei ua fetalai mai ai le Atua moni o Ieova,O Lē na faia le lagi, ma o Lē e silisili na faamafolafolaina le lagi;+O Lē na folasia le lalolagi ma mea uma o loo tutupu ai,+O Lē foʻi na te avatua le mānava i tagata o iai,+Ma le malosi e ola ai i ē o loo savavali ai:+
6 “O aʻu lava o Ieova, ua ou valaau atu iā te oe i le amiotonu;Ua ou uuina lou lima.
O le a ou leoleoina oe ma avatu oe e fai ma feagaiga mo le nuu,+Ma avea ma malamalama o atunuu,+
7 Ina ia e faapupula mata o tauaso,+Ina ia tatala pagota mai i le lua maulalo,Ma tatala mai i le falepuipui i latou o loo nonofo i le pōuliuli.+
8 O aʻu o Ieova. O loʻu igoa lea;Ou te lē avatua loʻu mamalu i se tasi,E lē avatua foʻi loʻu viiga i faatusa ua tā.+
9 Vaai fo‘i, ua taunuu mea muamua;Ae o loo oʻu taʻuina atu mea fou.
Ou te faailoa atu iā te outou ia mea a o leʻi tutupu mai.”+
10 Inā usu ia se pese fou iā Ieova,+O lona viiga e mai i tuluʻiga o le lalolagi,+O outou o ē ō ifo i le sami ma mea uma o loo tumu ai,O outou motu ma outou o ē e ʻaināina.+
11 Ia leotetele le toafa ma ona aai,+O nuu o loo nonofo ai Kitara.+
Ia alalaga atu ma le olioli ē o loo nonofo i le mea papa;Ia latou alalaga atu mai i tumutumu o mauga.
12 Ia latou avatu le mamalu iā Ieova,Ma ia latou faailoa atu foʻi lona viiga i motu.+
13 O le a afio atu Ieova e pei o sē e malosi.+
O le a ia faatupu lona maelega e pei o se toa.+
O le a alaga atu o ia, ioe, o le a alaga o ia i le alaga o le taua;O le a ia faailoa atu i ona fili e sili atu lona malosi.+
14 Ua fetalai le Atua: “Ua umi ona ou nofo filemu.
Ua ou lē pisa ma ua ou pulea aʻu lava.
E pei o se fafine o le a fanau,Ou te ōi, ou te selasela ma ou gaʻegaʻe i le taimi e tasi.
15 O le a ou faagaogaoina mauga ma aʻega,Ma faamamago vao ma laau uma.
O le a ou liua vaitafe e avea ma motu,*Ma ou te faamātūtūina vailepa+ ua tutupu ai ū.
16 O le a ou taʻitaʻiina ē e tauaso i se ala e latou te lē iloa+Ma faasavavali ai i latou i auala e latou te lē masani ai.+
O le a ou liua le mea pogisa i o latou luma e avea ma malamalama,+Ma faalaugatasi le laueleele gaoā.+
O mea ia o le a ou faia mo i latou, ma ou te lē tuua i latou.”
17 O le a latou solomuli ma o le a matuā faalumaina i latou,O i latou o ē e faatuatua i faatusa ua tā,O i latou ua faapea atu i faatusa uʻamea:* “O outou o o matou atua.”+
18 Inā faalogo mai ia, o outou o ē e tutuli;Inā vāai ia, o outou o ē e tauaso.+
19 O ai ua tauaso, pe e lē o laʻu auauna ea,Ma o ai foʻi e tutuli e pei o le avefeʻau na ou auina atu?
O ai e tauaso e pei o lē ua tauia,Ma o ai fo‘i e tauaso e pei o le auauna a Ieova?+
20 Ua e vaaia le tele o mea, ae ua e lē ua‘i pea i ai.
Ua lagona e ou taliga, ae e te lē faalogo i ai.+
21 Ona o le amiotonu a Ieova,Ua fiafia ai o ia e faasilisilia le tulafono* ma faamamaluina ai.
22 Ae o le nuu lenei ua faoa a latou mea ma ua aveesea faamalosi,+Ua taofiofia i latou uma i lua, ma ua natia i latou i falepuipui.+
Ua faoa a latou mea e aunoa ma se tasi e laveaʻi iā i latou,+Ua aveesea foʻi e aunoa ma se tasi e faapea atu: “Inā toe faafo‘i mai ia i latou!”
23 O ai se isi o outou o le a faalogo mai i lenei mea?
O ai foʻi o le a uaʻi mai ma faalogo ina ia manuia ai i le lumanaʻi?
24 O ai ua tuuina atu Iakopo e faoa ana mea,Ma Isaraelu i ē e vetea a latou mea?
Pe e lē o Ieova ea, o Lē ua tatou agasala i ai?
Ua latou lē mananaʻo e savavali i ona ala,Ma e leʻi usiusita‘i foʻi i latou i Lana tulafono.*+
25 Ua Ia sasaa mai pea i o latou luga lona maʻemaʻeā,+O lona toʻasā, ma le mataʻutia tele o le taua.
Ma ua si‘omia ma faaumatia ai i latou, ae ua latou lē ano i ai.+
Ua sasao atu pea iā i latou, ae ua lē tau ane ai o latou loto.+
Faamatalaga Pito i Lalo
^ Po o le “faatonuga.”
^ Po o “fanua tū matafaga.”
^ Po o “faatagata ‘apamemea.”
^ Po o le “faatonuga.”
^ Po o le “faatonuga.”
