Diassitanno. Yihowa Farciˈraasine asaraate (tonnunni mitto) gamba diassitanno; loosinkera woxe afiˈneemmohu mannu uminsa fajjonni fushshanno fushshonniiti. Asaraatu maati? Yihowa Farciˈraasine asaraate gamba assitannokkihu mayiraati?

 Asaraate woy noo jajji giddo mitto tonnikkiha Maganoho uyiyye yine hajanjoonniti Israeelete dagaati. Ikkollana, Kiristaanu galannohu Muse Seerinni ikkinokkita Qullaawu Maxaafi xawise kulanno; asaraate woy “tonnunni mitte anga” gamba assinanni gede uyinoonni hajajono Muse Seeri widira gaamantanno.—Ibiraawoota 7:5, 18; Qolasiyaasi Sokka 2:13, 14.

 Yihowa Farciˈraasine, balanxe gaammoonni asaraate aantenni, hundi Kiristaani assinonte gede lame doogonni Maganu looso kaaˈlitanno: Woxe baantinsakkinni soqqantanno; qoleno uminsa fajjonni woxe fushshitanno.

 Konni garinni, Qullaawu Maxaafi giddo Kiristaanaho uyinoonniha aane noo biddishsha harunsineemmo: “Maganu hagiidhe aannoha baxanno daafira, mittu mittunku wodanisinni baxe hagiidhanni oo ikkinnina, lamu wodaninni woy baxikkinni qarrame oonke.”—2 Qorontoosi 9:7.