Deeˈni. Duucha woyite minunni mine haˈne sabbankeemmo; kayinni sabbankeemmohu konni loosinkenni gato afiˈneemmo yine diˈˈikkino. (Efesooni Sokka 2:8) Hatto yineemmohu mayiraati?

 Hanni mitto lawishsha laˈno: Mittu shooshaqu manchi mittu bayichira isi yiino barra daanno mannira mitto lowo geeshsha muxxe ikkino uduunnicho aara qaale eino yine hendo. Kuni manchi yiinore assanno yite ammanattoha ikkiro, yiino barra hakkiira dimaratto? Marattoti dihuluullammannite. Qoleno, jaallakkinna maatekkino hakkiira marte uyinannire adhitanno gede, insarano kulattoha ikkara dandaanno. Ikkollana, hakku manchi yiinore assattohu hakkonne uduunnicho umikki loosinni afiˈreemmo yite diˈˈikkino. Manchu uduunnicho aannohehu aahera hasiˈrino daafiraatilla.

 Hatteente gede, Yihowa Farciˈraasine Maganu isira hajajamanno mannira hegere heeshsho aara qaale einota ammantanno. (Roomu Sokka 6:23) Wolu mannino Maganu uyino hexxo ragiˈra dandaanno gede, hexxonke wolootaho kulate sharrammeemmo. Ikkollana, soqqammeemmohu uminke loosinni gato afiˈneemmo yine hende diˈˈikkino. (Roomu Sokka 1:17; 3:28) Noore coyiˈniro, Maganu aannota tenne dhagge ikkitanno elto umisi loosinni afiˈra dandaanno manchi dino. “Ninke keeraanchimmanni ikkikkinni, isi [Maganu] maarosinni gatisinonke.”—Tiito 3:5.