MANNA GIWA AGURA DANDIINANNIHU HIITTOONNIITI?
1 | Mallaaddooti
Qullaawu Maxaafi Rosiisannore:
“Maganu manna [dimallaadanno]. . . . Aye gosano ikkiro Maganu waajjannosihanna dancha loosannoha baxanno.”—Soqqamaasinete Looso 10:34, 35.
Hatto Yaa Mayyaate?
Maganu Yihowa * gobbanke, sirchonke, dananke woy budenke lae isi togooho diyaannonke. Hatteentenni isi wodana laˈˈanno. Isinni Qullaawu Maxaafi ‘mannu aaniido laˈˈannota Yihowa kayinni wodana laˈˈannota’ kulanno.— 1 Saamueeli 16:7.
Ati Maa Assa Dandaatto?
Ninke mannu wodanita afa hoogummorono Maganu faale haˈne mallaandeemmokkire ikka dandiineemmo. Mitte gaamo badde insa togooreeti yaantenni mittu mittunku manchi daafira afate woˈnaali. Giwatto manni nooti leeltuhero tenne hedo wodanikkinni buqqisse hooˈlatto gede kaaˈlahera Magano huucciˈri. (Faarso 139:23, 24) Yihowa mallaadattokki gede kaaˈlahera dancha giddonni huucciˈrittoro isi huuccattokki macciishshe kaaˈlannoheta addaxxa dandaatto.—1 Pheexiroosi 3:12.
^ GUFO 6 Yihowa Maganu suˈmaati.—Faarso 83:18, NW.
“Alba faranjete ledo keeruyi dihasaaweemmo . . . Xa kayi alamete doyichora noohu mimmito baxanno roduuwi wido ikkoommo.”—TAAYITESI
