Jaddo loossannori gawajjitannonke woyitenna miincanninke woyite hiitto ikkineemmoro Yesuusira leellannosi. Iso beebba kassansoonnisi, doogimale gannoonnisi, halaale wirroonnisi, beebba bushiinshoonnisi, hattono shetinse shinoonnisi. Yesuusi huninori nookkiha ikkirono, umisi fajjonni “heeshshosi lowo mannira wodo asse” uyino. (Maatewoosi 20:28; Yohaannisi 15:13) Isi xa Maganu Gashshooti Moote ikkino daafira, muli yannara baattote aana taashsho halaˈlitanno gede assanno hattono jaddo hegerera baˈanno gede assanno.—Isayaasi 42:3.

 Qullaawu Maxaafi, Yesuusi qaafo adhihu gedensaanni alame hiittoota ikkitannoro kulanno:

•   “Bushuullu shiima yannalla keeshshitanno; dargaho laˈe hoogatto. Shaqqaddu kayinni baatto ragidhanno; atootenna keere afidhe hagiidhitanno.”—Faarso 37:10, 11.

 Yesuusi kageeshsha assinonkeriranna albillitte assannonkerira galatu noonketa leellisha dandiineemmohu hiittoonniiti? Yesuusi Luqaasi 22:19 aana rosaanosi reyosi qaagganno gede hajajino. Yihowa Farciˈraasine diru dirunku Yesuusi reyo qaagooshshe ayirrisate gamba yitannohu iseraati. Sambata, Badheessa 15, 2016 (Badheessa 24, 2024) Yesuusi Reyo Qaagooshshe dagge ledonke ayirrisattora koyinsoommohe.

Ayirrinsanni Bayicho