AXETI 03
¿Miaki Bibliaki koshiti atipana?
Bibliainra non merai meskó jakon joibo itan esébo. Iti atipanke min onankasai Biblian axeai jawékibo, ikaxbi mia neskarabo yokakaameetai: ¿noaki koshiti atipana westíora moatian wishakani kirikaki? ¿Janmein noa rama akinti iki? ¿Nonki ikonhati atipana jan yoiai winoti kai jawékiboki? Kikin icha jonibaonra jaskara shinanai. ¿Jawekeskaaxonki minribi jaskara joibo ikonhati iki?
1. ¿Bibliain yoia jawékiboki ikoni winota iki?
Biblianra yoiai, jan noa axeai jawékibo kikinshaman “ikon” (Juan 17:17). Jaskáribiakinra moatian ikonshaman jawékibo jonibo winóni, yoiai (yoyo awé Lucas 1:3 itan 3:1, 2). Biblianra noa moatian winóni jawékibo yoiai, jaskáribiakinra noa yoiai tsoaboki winota iki ixon, jawetian itan jawerano. Jakopira non jakonshamanhakin onanti atipanke jaweki winota iki ixon.
2. ¿Moatian kirika wishakana ikenbiki jawekopi noa Bibliaki koshiai?
Moatianbi, Bibliain wishakana iká iki jatíribi jawékiki, jonibaon jatian onanyamaparikana iká iki, nato maiki iamax nato neteki. Icha onan shinanya jonibaon jaki ikonhayamakana iki, ikaxbi iikin oinkana iki Biblian yoia jawékibo, ikon. Jain iká joi yoiabora “ja ikonhatibo iki” (Apocalipsis 22:6).
3. ¿Jawekopiki non ikonhakai Biblian yoia ikí kai jawékiboki?
Biblia meranra jake profetabaon yoini joibo a (oinwe ja pei naman maxko wishá). “Basibires iti ikenbira ikámatianbi, rama jaskara ikí kaai” jan yoiai (Isaías 46:10). Jaskara riki, Biblian moamabi yoia iká iki meskó keská jawéki winoti kai ikámatianbi. Jaskáribiakinra yoiai jawekeskaki nato neten noa jaa ixon. Nato axetiainra non onani kai jatíribi Bibliain iká profetabaon joi. Jawekeskataxki senena iki ixon yoyo akaxra mia ratéti iki.
KIKINI AXERESWE
Oinwe jawekeskaaxonki Biblian yoiai jisá keskáakinribi, nato netemea onan shinanyabaon yoiai. Jaskáribiakin oinwe jawekeskaaxon jatíribi Biblian yoia jawékibo senenai.
4. Onan shinanyabaonra yoiai Biblian yoiai keskáribiakin
Moatianbi, icha jonibaon shinankana iki meskó jawékibaon tewana nato mai. Oinkanwe ja VIDEO.
Oinwe jaweki wishakana iki 3.500 baritia ikámatian, ja kirika Job ikainko. Job 26:7, TNM, yoyo akanwe jainoax nato yokáki yoyo ikanwe:
-
¿Jawekopiki noa ratéti iki, nato mai jawenbi tewanama Biblian yoiai onanax?
Oi bea pekáora ja jene keyatai koin bochiki karíbai, japekao nato mainko oi pakéribiai. 200 baritia ikenparira jonibaon akana iki jaskara onankin. Ikaxbi oinwe jaweki Biblian moatianbi moa yoia iká iki. Yoyo akanwe Job 36:27, 28, TNM jainoax nato yokáboki yoyo ikanwe:
-
¿Jawe jawékiki min keenshaman iki ja Biblian onpaxki yoiai?
-
¿Bibliain iká wishábo min rama yoyo akátoninki mia akinai Bibliaki koshiti kopi?
5. Ikámatianbi, Biblian moa yoia iká iki onsá ratéti jawéki winoti kai
Yoyo akanwe Isaías 44:27-45:2 jainoax nato yokáki yoyo ikanwe:
-
200 baritia winotamatian, ¿jawe jawékiboki Biblian yoia iki ja jema Babilonia keyótiki?
Ramara non onanke ja winóni jawékibo: ja baritia 539 Jesús pikotamatianbi, westíora Persianin apo Ciro janeyaton jawen sontároboyabi ja koshi jema Babilonia jáareskana iki. Rekenpari, ja jema kateaketana jene, wetsaorishoko baikana iki jao jene bonon ixon. Japekao, ja xepótibo xepen baneta kopi, jabo nin reteananaxmabi jikikana iki. Jikixon jato keyoa iki. Moa 2.500 baritia riki já winóni. Ramara Babilonia jema, xabábicho iki, makan tsamatares iki rama kamanbi. Oinwe jaweki Biblian moa yoia iká iki ixon.
Yoyo akanwe Isaías 13:19, 20, TNM jainoax nato yokáki yoyo ikanwe:
-
¿Jawekeskataxki nato joibo senena iki?
Irak jema ikain, Babilonia riki makan tsamatares
6. Biblian moa yoia iká iki jaweboki winóti iki rama ixon
Biblianra yoiai ‘moa nete senenti’, ochóma (2 Timoteo 3:1). Oinwe ja rama winoti kaibo yoiai.
Yoyo akanwe Mateo 24:6, 7 jainoax nato yokáki yoyo ikanwe:
-
¿Jawe ratéti jawékiboki Biblian yoia iki rama winótiki?
Yoyo akanwe 2 Timoteo 3:1-5 jainoax nato yokáboki yoyo ikanwe:
-
Moa nete senenti ochóma, ¿jawekeskáki jonibo inóxiki ixon moa yoia iká iki Biblian?
-
¿Ramaki jaskara jisá jonibo min oinyamai? ¿Jawekeská shinanyaborin jabo?
JATÍRIBIBAON YOIAI: “Bibliainra yoiai moatian ikonma joibores”, ikí ikanai.
-
¿Jawerato min moa axea jawékininki mia Bibliaki bebonhakin koshimai? ¿Jaweki min shinanai?
NATOKI YOYO IKÁ
Onan shinanyabaon wishakana jawékibo, moatian winota jawékibo itan Biblian yoiai winoti kai jawékibo: jaskarabo oinax, noa Bibliaki koshiti atipanke.
Mia axeabo
-
¿Biblian yoia winóni jawékiboki ikon iki, iamax ikonma iki?
-
¿Jawekeskaaxonki onan shinanyabaon Biblian yoiai keskáribiakin yoiai?
-
¿Min shinanamein Biblian winoti kaibo yoiai? ¿Jawekopiki min jaskáakin shinanai?
JARIBI BENAWE
Ja onan shinanyabaon yoiai itan Biblian yoiai: ¿Bibliamein ikon iamax janso yoiai?
“¿Concuerda la Biblia con lo que ha descubierto la ciencia?” (jw.org-ain iká joibo yoyo ati)
¿Jawekeskaaxonki non onana, ‘moa nete senenti’, ochóma?
“Seis profecías bíblicas en pleno cumplimiento” (La Atalaya, 1 mayonin 2011)
Onanwe jawekeskataxki senena iki Biblian yoia jawékibo, Greciainoa apoboki.
Westíora joninra Biblia ikonhayama iki. Oinwe jawekeskaaxonki ja Bibliain iká joibaon já wetsa keskáakin shinanmaa iki.
a Ja profetabaon yoini joi riki Diossen shinamanbi akanabo, wetsatian yoiai winoti kai jawékiboki.
