Non tsinkítiboki onanboreswe. Miki ochoma tsinkíti iká benawe.

Jeobaki yoyo ikaibaon akanai non tsinkítibo semanatiibi, rabé akin, Dios rabiti kopi (Hebreos 10:24, 25). Jatíbi jonibo bokanti atipanke. Jainra noa axekanai jawekeskaaxonki non senen ati atipana Biblianin esébo.

Jainribira jato yokáketian, jaton meken sananxon tsinkitabaon yoiti atipanke jaweki jabaon shinanai ixon. Keenaxa miaribi yoyo iti atipanke. Non tsinkítibo peokooti kopi itan keyóti kopi, non bewakanai itan oranai.

Jeobaki yoyo ikaibobichoma bokanti atipanke nato tsinkítiboain, jatíbi jonibo non chaniai nobetan tsinkíti. Jawebi mia yokáyamakanai jain tsinkíti kopi.