¿Mawatabomein jirikanoxiki?
¿Imeinyanoxiki...
-
... iki?
-
... ikama?
-
... iti atipanke?
BIBLIAN YOIAI
“Mawákanabo jirikanti” (Hechos 24:15, DIOSSEN JOI, jatíxonbi onanti joi).
JAWEKESKAAXONKI NOA AKINAI JASKARA ONANTI
Non noia kaibo mawáketian noa onisaitian Diossen noa koshi shinan meniai (2 Corintios 1:3, 4).
Noa mawátiki rakéyamai (Hebreos 2:15).
Non oinribi kai non kaibo mawatabo (Juan 5:28, 29).
¿JAWEKOPIKI NON IKONHATI IKI BIBLIA?
Kimisha jawéki kopi:
-
Dios riki jan noa joniaka. Biblian Jeoba yoiai “noa jan jamaa itan jatíbi jawékibo noa jan meniai” (Hechos 17:24, 25; Apocalipsis 4:11). Janra jatíbi jawéki aká iki, jaskara ixon jawen koshi shinaman mawatabo jirianoxiki.
-
Diossenra moabi jiriaka iki mawatabo. Biblian yoiai posaka joni jiriaka, jain iki ainbo, benbo, itan meskó baritiabo, jabo jaríbakana iki nato main. Jaskara winota iki westíora joni chosko nete mawata, jara jiriakana iki (Juan 11:39-44).
-
Diossen shinan riki mawatabo jiriati. Jeoban omisai mawáti, janra oinai jawen rawí keská akin (1 Corintios 15:26). Diossenra mawáti keyonoxiki. ¿Jawekeskaaxon? Ja mawatabo jiriaxon. Ja keenai nato main jaríbakanti jawen shinan merain ikábo (Job 14:14, 15).
YOKÁKAAMEWE
¿Jawekopiki noa yosiai itan mawatai?
Non merai kai Bibliain GÉNESIS 3:17-19 itan ROMANOS 5:12 ikain.
Puede que también le interese
ENSEÑANZAS IMPORTANTES DE LA BIBLIA
¿Jawe ikiai noa mawatax?
Biblianra noa yoiai ichabires icha jonibo jiriribinonxikanai, Lazaro winota keská.
TSOABORIN NOA
¿Jawe kopiki noa Biblia axeti jaa?
Biblian noa axeai noa onankasai jawekibo tsama jonixon onankanai nato neten. ¿Miaki onankasai jaboan aka keska akin?
