“Jawetianbi ras atima itan wetsa mainmeabaonbi jatoarestimaakin” (Daniel 2:44, DIOSSEN JOI, jatíxonbi onanti joi).

“Westíora bake pikóke, Diossenra westíora bake noa menike: Jara jaskáaxon jato ikinti atipana koshi menike” (Isaías 9:6, DIOSSEN JOI, jatíxonbi onanti joi).

• Ja riki westíora apo ochaoma; janra noa akinti atipanke (Isaías 48:17, 18).

• Bená netera, moa ochóma iki jainra noa jakannoxiki raroshaman itan isinti yamai (Apocalipsis 21:3, 4).

Rabé jawéki kopi:

• Jesussenra oinma iki, apo ixon akí kai. Janra axea iki jawen chibanaibo non Ibo yoyo akin yokákanti noa akinti, itan jawen keena keská iti nato mainko (Mateo 6:9, 10). Jaskáribiakin oinma iki jawekeskatax senenai jabaon yokatai.

  Nato main ixon, Jesusnin jonibo jawékiama iki, isinaibo benxoa iki itan mawatabo jiria iki (Mateo 15:29-38; Juan 11:38-44). Jawekeskaraki non apo inóxiki, jan oinma iki jonibo meskó jawéki akí kai apo ixon (Apocalipsis 11:15).

• Meskó jawékibo ointaanan non shinanti iki non apo Jesús joti ochóma. Jesussen yoia iki nete senenamatianbi jaskara itibo, reteanankanai, jawékiatinin ikanai, itan niwanbo (Mateo 24:3, 7).

  Rama non oinboai jaskara itikonma jawékibo winotai. Jakopi non onanke Jesús apo ixon jakonma jawékibo benxoai kai.