Diko Daniel 9:​1-19 ti hinga ndani so a yeke kota ye ti manda ye nzoni.

Bâ atënë so angoro tënë ni. Aye wa la asi ade aninga ape? A sara Daniel tongana nyen? (Dan. 5:29–6:5). Tongana fade mo yeke na place ti Daniel, a yeke sara mo tongana nyen?

Gi ti hinga aye mingi. “Ambeti ti Nzapa” so peut-être Daniel adiko ni ayeke lani ambeti wa? (Dan. 9:​2, kete tënë na gbe ni; w23.08 l. 4 par. 7). Ngbanga ti nyen la Daniel afa na gigi asiokpari ti lo nga na ti azo ti Israël? (Lév. 26:​39-42; 1 aGbia 8:​46-50; dp 182-184). Tongana nyen la sambela ti Daniel afa so lo yeke lani zo so ayeke manda Mbeti ti Nzapa nzoni?—Dan. 9:​11-13.

Gbu li na ndö ti aye so mo manda. Hunda terê ti mo:

• ‘Nyen la mbi peut ti sara ti tene aye so ayeke si na yâ ti dunia so agboto lê ti mbi ape?’ (Mi. 7:7).

• ‘Tongana mbi manda Bible nzoni tongana Daniel, anzoni ye wa la mbi yeke wara?’ (w04 1/8, l. 12 par. 17).

• ‘Atënë wa la mbi peut ti manda ye na ndö ni so ayeke aidé mbi ti “lango pëpe”?’ (Mat. 24:​42, 44; w12 15/8, l. 5 par. 7-8).