Jésus afa terê ti lo na azo tongana “Molenge ti Nzapa.” (Jean 10:36; 11:4). Jésus atene na azo lâ oko ape so ni yeke Nzapa so ngangu ti lo ahon angangu kue.

 Mbeni ye ni ayeke so, Jésus asambela Nzapa (Matthieu 26:39). Nga, ti fa na adisciple ti lo tongana nyen ti sambela, Jésus atene tënë so: “Babâ ti e so mo yeke na yayu, zia a sara si iri ti mo aga nzoni-kue.”​—Matthieu 6:9.

 Jésus afa iri ti Nzapa na ngoi so lo tene mbeni tënë so lo mû ni na yâ ti mbage ti mbeti ti Nzapa so a sû na Hébreu, lo tene: “Azo ti Israël, ala mä si, Jéhovah Nzapa ti e, lo yeke gï Jéhovah oko.”​—Marc 12:29; Deutéronome 6:4.