Ngbanga ti nyen ti sambela na iri ti Jésus?
Kiringo tënë ti Bible
A lingbi e sambela Nzapa na iri ti Jésus ngbanga ti so ayeke oko lege so Nzapa ayeda na ni ti mû lege na e ti ga nduru na lo la: “Mbi yeke lege ni, tâ tënë na fini. Zo oko alingbi ti ga na Babâ na mbeni lege nde pëpe, gï na lege ti mbi.” (Jean 14:6) Jésus atene nga lani na abazengele ti lo so ayeke be-ta-zo atene: “Biani, ti tâ tënë ni, mbi tene na ala: Ye kue so ala hunda na Babâ, lo yeke mû ni na ala na iri ti mbi.”—Jean 16:23.
Ambeni raison ti sambela na iri ti Jésus
E mû nengo na Jésus nga na Babâ ti lo, Jéhovah Nzapa.—aPhilippien 2:9-11.
E yeke fa so e bâ na nene ni kuâ ti Jésus so ayeke ye so Nzapa aleke ti tene e wara salut.—Matthieu 20:28; Kusala 4:12.
E hinga so Jésus oko la ayeke tongana mbeni walekengo-songo na popo ti Nzapa na azo.—aHébreu 7:25.
E ne kua so Jésus ayeke sara tongana Kota Prêtre ti aidé e ti duti na nzoni songo na Nzapa.—aHébreu 4:14-16.
Bâ nga
BIBLE ATENE TI LO NYEN
A lingbi mbi sambela asaint?
Gi ti hinga ye na ndö ti zo so Bible atene a lingbi e sambela lo.
TOUR TI BA NDO
Nyen la mo peut ti sara ti tene Nzapa amä asambela ti mo?
Sambela Nzapa atâa a yeke na ndo wa, na l’heure ti nyen, na kota go wala na yâ ti bê ti mo. Jésus a-aidé même e ti hinga ye so e peut ti sambela ndali ni.