25 KANAMA 2023 | YAHUJWE N’IGIHE KU ITARIKI YA 4 MATA 2024
U BURUSIYA

AMAKURU MASHYA—UMUVANDIMWE YAHAMIJWE ICYAHA | “Nta kintu cyatuma ndushaho kwishima cyaruta ubucuti mfitanye na Yehova”

FUNGURA

Ku itariki ya 3 Mata 2024, urukiko rw’umujyi wa Goryacheklyuchevskoy mu ntara ya Krasnodar rwahamije icyaha umuvandimwe Pavel Sidorenko, kandi rumukatira igifungo gisubitse cy’imyaka itatu. Ntibizaba ngombwa ko ajyanwa muri gereza.

Icyo twamuvugaho

Pavel Sidorenko

Igihe yavukiye: 1958 (Krymsk, mu ntara ya Krasnodar)

Ibimuranga: Yabaye injenyeri mu gukanika

Yashakanye na Marina mu mwaka wa 1981. Bafite umwana umwe w’umukobwa

Yatangiye gushishikazwa na Bibiliya, igihe Abahamya ba Yehova bamusubizaga ibibazo yibazaga ku birebana n’inkomoko y’ubuzima, bakoresheje Bibiliya. We na Marina babatijwe mu mwaka wa 1991

Ibyo yavuze

Ni iyihe mirongo yo muri Bibiliya yaguteye inkunga muri ibi bihe bikomeye?

Nkunda ibivugwa mu Baroma 8:38, 39, hagira hati: “Nemera ntashidikanya ko naho rwaba urupfu cyangwa ubuzima cyangwa abamarayika cyangwa ubutegetsi cyangwa ibintu biriho ubu cyangwa ibizaza cyangwa ububasha cyangwa ubuhagarike cyangwa ubujyakuzimu cyangwa ikindi cyaremwe cyose, bitazashobora kudutandukanya n’urukundo rw’Imana.” Aya magambo agaragaza ko urukundo rwa Yehova rudahinduka, atuma nkomera cyane. Aba azi ibibazo mpura na byo kandi yiyumvisha uko merewe. Nta kintu cyatuma ndushaho kwishima cyaruta ubucuti mfitanye na Yehova.

Kimwe na Pavel, dushimishwa no kuba tuzi ko imihati dushyiraho kugira ngo tugume mu “nzira y’ubuzima,” izatuma tugira ibyishimo byinshi.—Zaburi 16:11.

Uko ibintu byagiye bikurikirana

Ku itariki ya 26 Mutarama 2022

Yakorewe dosiye
Ku itariki ya 28 Mutarama 2022

Urugo rwe rwarasatswe. Ahatwa ibibazo kandi amenyeshwa ko atagomba kurenga agace atuyemo.
Ku itariki ya 22 Werurwe 2023

Yatangiye kuburana

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU