21 WERURWE 2024 | YAHUJWE N’IGIHE KU ITARIKI YA 12 MATA 2024
U BURUSIYA

AMAKURU MASHYA—MUSHIKI WACU YAHAMIJWE ICYAHA | “Yehova ntazigera adutererana”

FUNGURA

Ku itariki ya 12 Mata 2024, urukiko rw’akarere ka Tsentralniy ruherereye mu gace ka Prokopyevsk mu ntara ya Kemerovo, rwahamije icyaha mushiki wacu Yelena Chernykh kandi rumukatira igifungo gisubitse cy’imyaka itatu. Ntibizaba ngombwa ko ajyanwa muri gereza.

Icyo twamuvugaho

Yelena Chernykh

Igihe yavukiye: 1976 (Prokopyevsk)

Ibimuranga: Igihe yatangiraga kwigana Bibiliya n’Abahamya ba Yehova, byatumye arushaho kuba incuti ya Yehova. Yabatijwe mu mwaka wa 1998

Yashakanye na Yuriy mu mwaka wa 2006. Umugabo we yahamijwe icyaha muri Nzeri 2023 kandi ahabwa igihano cy’imyaka itatu akora imirimo y’agahato. Bafite abana batatu b’abahungu

Ibyo yavuze

Ni iki wishimira muri iki gihe ugikomeje guhangana n’ibigeragezo?

Nishimira ko nakomeje gukora ibintu bimfasha kuba incuti ya Yehova, ari byo isengesho, gusoma Bibiliya no gufasha abandi. Ibyo bikorwa bimfasha kudacika intege. Nanone nishimira kumenya ko buri gihe Yehova asubiza amasengesho yanjye, akampa imbaraga n’ubutwari nkeneye kugira ngo mvuganire izina rye mu rukiko. Nanone ntacyo nageraho abavandimwe na bashiki bacu batanshyigikiye njye n’umuryango wanjye, batadusengeye kandi ngo badufashe kubona ibyo dukeneye. Yehova azakomeza kutwitaho igihe cyose. Muri ibi bigeragezo mpanganye na byo nishimira ko Yehova ahora ari kumwe nanjye, amfashe ukuboko.

Dukomezwa no kumenya ko Yehova ‘atajya ahinduka,’ ahubwo azakomeza kuduha “impano nziza yose n’impano yose itunganye” kugira ngo adufashe kwihanganira ibigeragezo uko byaba bimeze kose.—Yakobo 1:17.

Uko ibintu byagiye bikurikirana

Ku itariki ya 12 Nyakanga 2020

Urugo rwabo rwarasatswe. Yelena n’umugabo we Yuriy bahaswe ibibazo
Ku itariki ya 25 Gicurasi 2023

Yatangiye gukurikiranwaho icyaha
Ku itariki ya 15 Kanama 2023

Yamenyeshejwe ko atemerewe kurenga agace atuyemo
Ku itariki ya 9 Nzeri 2023

Ni bwo urubanza rwatangiye

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU